Юля Харлампьева: «Сыбааркалыырга кыргыттар да үөрэниэхтэрин, үлэлиэхтэрин сөп»

Share

Суудунаны оҥорор уораҕайы кэрийэ сылдьан, тугу эрэ букунаһа сылдьар дьоҥҥо тиийдибит.

Кытай собуотун үлэһиттэрэ станоктарын аҕалан,  онно тимир илииһи хайдах иэҕэри көрдөрө-үөрэтэ сылдьар эбиттэр. Кинилэр тула эдэр исписэлиистэр үмүөрүһэллэр, көрөллөр-истэллэр. Олор быыстарыгар биир эдэркээн кыыс сылдьарын таба көрөн кэпсэтии буолла.

Юля Харлампьева Уус Алдан Бороҕонуттан сылдьар. Жатайдааҕы техникуму бүтэрэн баран, быйыл саҥа үлэлии кэлбит исписэлиистэртэн биирдэстэрэ эбит.

-Кууруспар соҕотох кыыс этим, — диир Юля. – Бу Жатай техникумугар наһаа үчүгэй преподавателлэр үлэлииллэр, ыарахан түгэҥҥэ бары көмөлөһөллөр. Барытын көрдөрөн, быһааран, хайысхалаан биэрэ сылдьаллар. Сыбаарканы тута сөбүлээбитим, онон кыһаллан үөрэммитим, быраактыкаларга сылдьарым. Быйыл Онежскай собуокка стажировкаланан элбэххэ үөрэнэн кэллим. Турбалары, о.д.а сыбааркалыыр буоллум.

Юля сыбааркаҕа кыргыттар кэлэн үөрэниэхтэрин сөп диир.

“Күүстээх санаа эрэ наада, онно туох да ыарахан суох. Син биир уруһуй курдук. Бастаан сыбаарка диэн тугун билэргэ быраактыкаттан саҕалыыллара ордук. Биллэн турар, өр үлэлээтэххэ сиһиҥ ыалдьар”, — диир кыыс.

Юля баҕа санаата киэҥ. Салгыы бу хайысханан инженер идэтигэр үрдүк үөрэххэ үөрэнэ, Санкт Петербурга, Владивостокка эбэтэр Новосибирскайга барыан баҕарар. Ону кытта сэттэ сыл үлэлээн баран,  биригэдьиир буолар бэртээхэй былааннаах. Киниэхэ ситиһиилэри, былааннара олоххо киирэригэр баҕарабыт.

Производство былаанын, бэлэмин, туолуутун хонтуруоллуур управление начаалынньыга Петр Васильев этэринэн, сахалар айар дьоҕурбут сайдыбыт буолан сыбааркаҕа да сыһыаннаахпыт, суудуна тутуутугар да туох да уустугу көрсүөхпүт суоҕа, — диир.

Recent Posts

  • Сонуннар
  • Сүрүн

Балаҕан ыйын 1 күнүттэн устудьуоннар истипиэндьиэлэрин кээмэйэ үрдүүр

Саҥа үөрэх дьылыттан үрдүк үөрэх кыһаларыгар истипиэндьийэ 7,6 бырыһыантан итэҕэһэ суох үрдүөҕэ. Бу бүддьүөт миэстэтигэр…

17 минут ago
  • Сонуннар
  • Уопсастыба

Дьокуускайга Орджоникидзе болуоссакка фонтан хапытаалынай өрөмүөнэ түмүктэннэ

Бүгүн, атырдьах ыйын 31 күнүгэр, Орджоникидзе болуоссакка фонтан хапытаалынай өрөмүөнүн кэнниттэн үлэтэ түмүктэннэ. Бэдэрээтчит фонтаны…

33 минуты ago
  • Сонуннар
  • Уопсастыба

БИЭТЭС БИЛЭЭХЭП: Аһыммыта буолбакка…

Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…

48 минут ago
  • Сонуннар
  • Уопсастыба

Күн кутталлаах чааһа Сир диэки хайыста

Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…

1 час ago
  • Байыаннай эпэрээссийэ
  • Сонуннар

ХИФУ өйөбүлүнэн байыаннай дьайыы кыттыылаахтарын туһунан кэриэстэбил кинигэ бэчээттэниэ

Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…

1 час ago
  • Сонуннар
  • Тыа хаһаайыстыбата

«Дьокуускайдааҕы үүт собуота» сыыр сыаҕар саҥа сезону аста

Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…

2 часа ago