Хаартыска: sakha.gov.ru
Муус устар 30 күнүгэр Москва уобалаһыгар «Патриот» пааркаҕа III норуоттар икки ардыларынааҕы фашизмы утары кэнгириэс иһинэн, БРИКС+ дойдутун киллэрэн туран, 43 судаарыстыба бэрэстэбиитэллэрэ кыттыыллаах «Нацизмы утары ыччат» диэн улахан байыаннай-патриотическай аахсыйа буолла.
Аахсыйа биир сүрүн түгэнинэн «Юнармия» 13 салаатыгар туоһу суруктары уонна знамялары үөрүүлээхтик туттарыы сиэр-туома ыытылынна. Кинилэр ортолоругар РФ Оборуонаҕа министиэристибэтэ сахалартан бастакы Сэбиэскэй Сойуус Дьоруойа Федор Кузьмич Попов аатын Саха сирин «Юнармия» салаатыгар иҥэрдэ. Патриотическай чиэс бэлиэлэрэ — туоһу сурук уонна Знамя Саха сирин салаатын салайааччытыгар Александр Кузьмиҥҥа туттарылыннылар.
«Биһиги өрөспүүбүлүкэбитигэр «Юнармия» тэриллибититтэн олус үөрэбит. Номнуо мөлүйүөн аҕыс сүүс тыһыынча кэриҥэ оҕо бүгүн кинилэр кэккэлэригэр сылдьаллар. Итиэннэ Саха сирин салаатыгар Федор Кузьмич Попов аатын иҥэриллибиттэн киэн туттабыт», — диэн Айсен Николаев эттэ.
Федор Попов холобура, ол иһигэр Саха сириттэн төрүттээх Сэбиэскэй Сойуус 24 Дьоруойа, көлүөнэни иитэр-такайар, өрө тардар. «Билиҥҥи көлүөнэни аныгы дьоруойдар — байыаннай дьайыы кыттыылаахтара, 11 Арассыыйа дьоруойдара, интэриэһиргэтэллэр», — диэн кини эбэн эттэ.
Аахсыйа кэмигэр дойду үрдүнэн 500-тэн тахса оскуола оҕолоро «Юнармия» кэккэтигэр үөрүүлээхтик ылылыннылар. Айсен Николаев оҕолорго бэлиэлэри туттарыыга кыттыыны ылла, диэн sakha.gov.ru саайта суруйар.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…