Дьокуускайга «Юнармия» хамсааһын өрөспүүбүлүкэтээҕи IX патриотическай сүлүөтэ үөрүүлээх сиэринэн-туомунан түмүктэннэ.
Тэрээһиҥҥэ өрөспүүбүлүкэ 14 улууһуттан уонна куораттааҕы уокуруктартан 140 эдэр армеец муһунна. Эдэр армеецтар сүлүөт чэрчитинэн үөрэххэ бэлэмнэниини аастылар уонна араас күрэстэргэ кытыннылар. Тэрээһин түмүктэниитигэр кыттыбыт бочуоттаах ыалдьыттар ортолоругар РФ дьоруойдара Игорь Юргин уонна Николай Евдокимов бааллар.
Сүлүөт биир сүрүн түгэнинэн «Дойдуну харыстааччы» диэн икки күннээх байыаннай-успуорт оонньуута буолла. Бастакы күн армеецтар «Смотр песни и строя», «Военизированная эстафета» уонна «Тестирование» кытыннылар. Иккис күн «Общефизическая подготовка» кыттыбыттарын кэнниттэн сүлүөтү аһыы үөрүүлээх сиэрэ-туома буолла. Салгыы кыттааччылар «Дойдуну көмүскээччи» оонньууну салҕаан, «Огневой рубеж» моһолу туораатылар.
Байыаннай-успуорт оонньууларын кыайыылаахтарынан буоллулар:
1-кы миэстэ — Чурапчы улууһуттан «Чурапчы» байыаннай-патриотическай кулууп, 2-с миэстэ — Уус Алдан улууһуттан «Мүрү» байыаннай-патриотическай кулууп, 3-с миэстэ — Горнай улууһуттан «Сокол» байыаннай-патриотическай кулууп.
Ону сэргэ сүлүөт чэрчитинэн эдэр армеецтар ортолоругар гиирэ успуордугар өрөспүүбүлүкэтээҕи турнир уонна «Албан» өйү сайыннарар оонньуу ыытылыннылар.
Үһүс күн «Страйкбол» байыаннай-тактическай оонньууга турнирынан уонна «Эдэр армеец оскуолата» үөрэх бырагырааматынан түмүктэннэ. Ис дьыала министэристибэтин уонна Ыксаллаах быһыы-майгы министиэристибэтин байыаннай тиэхиньикэҕэ быыстапкалара тэрилиннэ.
Тэрийээччилэр санааларын үллэстибиттэринэн, сүлүөккэ бэйэ сатабылын көрдөрөр кыах эрэ бэриллибэтэ, ону таһынан сүлүөт патриоттуу иитиигэ, хамаанданан үлэҕэ уонна доҕордоһууга дьоһуннаах тирэҕинэн буолла.
CӨ Ил Дарханын уонна Бырабыыталыстыбатын пресс-сулууспата
Түөкүттэр угаайыларыгар, араас албастарыгар киирэн биэримэҥ диэн өрүү сэрэтэллэр. Ол да буоллар, дьэ, дьону албыннарыгар…
Дьокуускайга балаҕан ыйын 24-27 күннэригэр норуоттар икки ардыларынааҕы V Хотугу пуорум ыытыллыаҕа. Далааһыннаах тэрээһиҥҥэ Арассыыйа…
Ааспыт үөрэх дьылыгар биһиги холбоһукпутугар Намнааҕы кэллиэһи бүтэрбит Кристина Игнатьевна Старостина диэн эдэркээн учуутал үлэлии…
Уус Алдан улууһун Өспөх нэһилиэгин олохтоохторо байыаннай дьайыыга сылдьар байыастарга көмөлөрүн салгыыллар. Кинилэр "Доброволецтар" диэн …
Таатта улууһугар Ытык Күөлгэ А.Е.Мординов аатынан лиссиэй "Күһүҥҥү киhи күлбүтүнэн" атыы-эргиэн дьаарбаҥкатын үһүс төгүлүн өрө…
Кэнники кэмҥэ саха дьоно Владивосток куоракка элбэхтик сылдьар, сынньанар буоллулар. Саха оҕолоро Уһук Илиҥҥи федеральнай…