«Юнармия» ыччат, оҕолор байыаннай-патриотическай хамсааһыннарын сүлүөтэ саҕаланна

Дьокуускайдааҕы кадеттар оскуолаларыгар «Юнармия» ыччат, оҕолор байыаннай-патриотическай хамсааһыннарын сүлүөтэ саҕаланна.

Сүлүөккэ Алдан, Амма, Бүлүү, Мэҥэ Хаҥалас, Нам, Уус Алдан,Чурапчы улуустарыттан этэрээттэр уонна Дьокуускай куораттан кытыннылар. Эҕэрдэ тылы СӨ үөрэҕин уонна наукатын министиэристибэтин миниистирин бастакы солбуйааччы Ньургун Павлов эттэ:

— Убаастабыллаах юнармия сүлүөтүн кыттыылаахтара, кэллиэгэлэрим, ыалдьыттар. Үөрэх министиэристибэтин уонна наукатын аатыттан сүлүөт саҕаламмытынан эҕэрдэлиибин!  Өрөспүүбүлүкэтээҕи сүлүөт оҕолору патриотическай иитиигэ көҕүлүүр тэрээһин быһыытынан тирэхтээхтик өрөспүүбүлүкэ тэрээһиннэрин былааныгар киирдэ.  2018 сылтан биһиги министиэристибэбит өйөбүлүнэн ыытыллар. Бу сыллар усталарыгар тыһыынчанан оҕо кыттыыны ылла. Элбэх хамаандалар кыайыылаахтарынан тахсаллар. Тэрээһиннэр оҕолор дойдуларын чиэһин көмүскүүллэригэр көҕүлүүр.

Сүлүөт кыттыылааҕын санаата

Попов Дьулуур, И.М.Павлов аатынан Чурапчы   орто оскуолатын 10 кылааһын үөрэнээччитэ, Чурапчы хамаандатын хамандыыра:

-Күрэхтэһии бэркэ саҕаланна. Мин быйыл номнуо үһүс сылбын кыттабын. Строевой хаамыыга бэлэмнэниини сыл аайы долгуйа күүтэбин.