Юниордар Красноярскайга Заур Ботаев бирииһигэр Арассыыйатааҕы турнирга тустуохтара

Алтынньы 21-23 күннэригэр Красноярскайга Д.Г.Миндиашвили аатынан Тустуу Академиятыгар Арассыыйа успуордун үтүөлээх маастарын Заур Ботаев бирииһигэр көҥүл тустууга күрэхтэһии ыытыллыаҕа. Турнир «стенка на стенку» форматынан буолуоҕа, 21 саастарыгар диэри юниордар кыттыахтара.

Турнирга Саха сирин юниордарын сүүмэрдэммит хамаандата старшай тириэньэр Василий Неустроев салалтатынан кыттыаҕа. Хамаанда састааба маннык:

57 киилэҕэ – Павлов Лев;
61 киилэҕэ – Слепцов Артем;
65 киилэҕэ – Потапов Иван;
70 киилэҕэ – Фомин Олег;
74 киилэҕэ – Белолюбскай Айтал;
79 киилэҕэ – Гаврильев Борис;
86 киилэҕэ – Калачев Дьулус;
92 киилэҕэ – Аронов Евгений;
97 киилэҕэ – Николаев Виталий;
125 киилэҕэ – Нестеров Михаил.

Заур Ботаев бирииһигэр турнир Красноярскайга 2017 сылтан ыытыллар. Быйыл алтыс төгүлүн буолуоҕа диэн «Спорт Якутии» саайт суруйар.