СИА хаартыската.
«Юные якутяне» өрөспүүбүлүкэтээҕи ресурснай киин дириэктэрэ Ирина Черкашина оскуоланы бүтэрээччилэри эҕэрдэлиир:
— Бүтэһик чуораан чугдаарда. Оскуоланы бүтэрээччилэргэ биир кэлим эксээмэн «итии күннэрэ» саҕаланнылар. Оҕолорго ситиһиилээхтик эксээмэннэрин туттаралларыгар уонна талан ылбыт үөрэхтэригэр киирэллэригэр баҕарабын.Үөрэх дьылын бүтүүтэ киһи түмүк таһаарынар. Кылгастык Сахабыт сирин үөрэҕин эйгэтигэр ханнык ситиһиилэр буолбуттарын туһунан кэпсиэхпин баҕарабын.
Бүтэһик кэмнэргэ Саха сирин 22 оройуонугар 48 үөрэх кыһата, 25 оройуоҥҥа уонна Дьокуускайга 69 уһуйаан, орто анал үөрэх кыһаларын тэрилтэлэригэр 55 аныгы мастарыскыай аһыллыбыт. Бу мээнэ сыыппаралар буолбатахтар, биһиги Ил Дархаммыт Айсен Сергеевич Николаев үлэтин түмүгэ буолар. Бэлиэтээн эттэххэ, Ил Дархан үөрэх ситимин сайдыытыгар уонна үүнэр көлүөнэ хаачыстыбалаах үөрэҕи, дириҥ билиини ылалларыгар сүрүн болҕомтону уурар. Ол туоһутунан, 220 миэстэлээх Норуоттар икки ардыларынааҕы Арктическай оскуола буолар. Бу оскуолаҕа норуоттар икки ардыларыгар кэпсэтэр английскай, кытай уонна аҕыйах ахсааннаах хотугу норуоттар төрүт тылларын үөрэтэллэр. Аны үс сылынан МАШ үөрэнээччилэрэ Норуоттар икки ардыларынааҕы бакалавриат дипломнай бырагырааматыгар көһүөхтэрэ. Оччотугар оҕолор оскуоланы бүтэрэн баран аан дойду бастыҥ үөрэх кыһаларыгар үөрэнэр кыахтаныахтара.
Ону сэргэ ааспыт сылга Наука дьоҕус акадьыамыйата аанын аспыта. Бу талааннаах оҕолору өйүүр биир сүрүн киининэн буолар. Жатайга «Точка будущего» диэн үөрэх косплекса тутуллан саҕаланна. Оҕо үөрэнэригэр, сайдарыгар бары усулуобуйа тэриллиэхтээх. Ону таһынан доруобуйаларынан хааччахтаах оҕолор эмиэ үөрэниэхтэрэ. Үөрэх эйгэтигэр маннык сэргэх сонуннар инникигэ кынаттыыллар.
Бу сыллар усталарыгар "Биир ньыгыл Арассыыйа" бэлитиичэскэй баартыйа Арассыыйа норуотун түмсүүлээҕин уонна судаарыстыба тутаах соруктарын…
Бүгүн, ахсынньы 1 күнүгэр, Бүлүү өрүһүнэн 4 туоннаҕа тиийэ ыйааһыннаах массыыналар айаннара-сырыылара саҕаланна. Ол туһунан…
Кэбээйи улууһун Ньидьили нэһилиэгэр "Олоҥхо дьиэлэрин ситимэ" диэн СӨ Ил Дархана Айсен Николаев ыйааҕынан 2022…
Автоиниспиэксийэлэр суол быһылаанын көрбүт дьону көрдүүллэр. Сокуоннай сааһын туола илик оҕо бэлисипиэтинэн баран иһэн ДТП…
Сэбиэскэй кэмҥэ үүнээйи арыыта диэн суоҕун кэриэтэ этэ, ол оннугар дьааһыгынан “комбижир” диэн кэлэрэ. Алаадьыны,…
Саха сиригэр ахсынньы 4-25 күннэригэр байыаннай дьайыы кыттыылаахтарыгар уонна кинилэр дьиэ кэргэттэригэр бэйэлэрин баҕаларынан көмөлөһөөччүлэр…