Салгыы
Юрий Гагарин балтын кытта кэпсэттилэр

Юрий Гагарин балтын кытта кэпсэттилэр

09.04.2023, 21:31
Николаев-Киин хаартыскалара
Бөлөххө киир:

Николаев-кииҥҥэ космонавт Юрий Гагарин балтын кытта быһа сибээһинэн оскуола оҕолоро кэпсэттилэр.  Ол курдук, СӨ бастакы бэрэсидьиэнэ Михаил Николаев архыып-бибилэтиэкэтигэр Космонавтика күнүгэр анаммыт нэдиэлэ саҕаланна. Муус устар 6 күнүгэр Саха сирин олохтоохторо Юрий Гагарин балта Тамара Филатованы кытта быһа сибээскэ кэпсэттилэр. 

Тамара Дмитриевна Саха сирин олохтоохторугар онлайн киэбинэн көрсүһүүгэ ис сүрэҕиттэн махтанна. Кини Саха сирин туһунан истэн эрэ буолбакка, бастакы бэрэсидьиэн Михаил Ефимовичтыын бииргэ үлэлэспит сырдык кэмин  өйүгэр-санаатыгар истиҥник илдьэ сылдьар.

«Юрий Гагарин туһунан эһиги сырдык өйдөбүллээх буолаҥҥыт бу көрсүһүү буолла. Көрсүһүү, истиҥ кэпсэтии иһин эһиэхэ махтанабын. Мин төрөөбүппэр, убайым Юрий 13 эрэ саастааҕа эбитэ үһү. Кини миигин сүрэхтээбит. Онон мин кини сүрэхтээбит киһитэ буолабын. Биһиги улахан уонна олус эйэлээх дьиэ кэргэммит, бары бииргэ олорбуппут. 1949 сыллаахха Юрий үөрэнэ барбыта уонна каникулларыгар эрэ кэлэрэ. Ол кэлэригэр өрүү кэһии аҕалара. Мин убайбын наһаа таптыырым «, — диэн Тамара Дмитриевна кэпсээтэ.

Тамара Дмитриевна убайын кылгас олоҕо эриирдээҕин-мускуурдааҕын, кини оҕо сааһыттан сэрии ыар сылларын билбитин туһунан аҕынна. Оҕо сааһыттан уустук олоҕу билбит буолан хатан майгылаах, ыараханы тулуйумтуо, олоххо дьулуурдаах уонна инникигэ эрэллээх, үгүс сыаллаах-соруктаах этэ диэн кэпсээтэ. Кини убайа хайдах космоска көтөрүн саҕана бэлэмнэммитин, онтон салгыы үлэтин-хамнаһын барытын саас-сааһынан кэпсээн үгүс киһи дууһатын долгутта.

Николаев-Киин салайааччыта Юрий Семенов бэлиэтээбитинэн, маннык холобурга эдэр көлүөнэ үүнэн тахсар.

-Биһиги маннык космоска көтүөн баҕарар Константин Эдуардович Циолковскай, космическай хараабыллары оҥорор Сергей Павлович Королев уонна аан бастакынан космоска көппүт Юрий Гагарин курдук сүдү дьоннорунан киэн туттабыт, кинилэр холобурдара биһиги санаабытын кынаттыыр. Ити хорсун быһыылар курдук, биһиги бастакы бэрэсидьиэммит Михаил Ефимович 90-c уустук сылларыгар талаан, өй-санаа, көҥүл инники күөҥҥэ буоларын туһугар өрөспүүбүлүкэни тэрийбитэ.Онон кини холобура, оҥорбут үтүө дьыалалара үүнэр көлүөнэҕэ  үтүө эрэ холобур буолар кыахтаах. Оҕолоор, бэйэҕит ураты талааҥҥытыгар итэҕэйиҥ. Үлэһит киһи тугу барытын ситиһэр кыахтаах. Тамара Дмитриевна, бу күнү эн биһиги Сахабыт сиригэр анаабыккар махтанабыт, — диэтэ.

Тэрээһин «На плечах гигантов» бырайыак чэрчитинэн ыытылынна. Маны сэргэ Николаев-Киин  Ил Дархан Айсен Николаев өйөбүлүнэн оҥоһуллубут «Старт в космос»диэн бырайыак тэрийсээччитинэн буолар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 июля
  • 24°C
  • Ощущается: 24°Влажность: 69% Скорость ветра: 3 м/с

Сообщить об опечатке

Текст, который будет отправлен нашим редакторам: