Юрий Куприянов байыастары көрүстэ

Байыаннай  дьайыыттан уоппускаларыгар кэлбит икки байыаһы аэропорка чугас дьонноро, аймахтара, табаарыстара итиэннэ култуура уонна духуобунай сайдыы миниистирэ Юрий Куприянов көрүстүлэр. 

Биир байыас саҥа оҕоломмутунан уон хонуктаах уоппускаҕа кэлбит. Оттон  хантараагынан муора биригээдэтигэр сулууспалыыр байыас бааһыран, дойдутугар кэлбит.

Миниистир Юрий Степанович  Ил Дархан Айсен Николаев аатыттан сулууспаларын иһин махталын тириэртэ уонна саха быһаҕын туттартаата. Маны таһынан уолаттартан байыаннай сулууспаҕа усулуобуйа хайдаҕын туоһуласта.