Ил Түмэн кэлэр үс сыл устатыгар үлэлиэхтээх өрөспүүбүлүкэ бүддьүөтүн бастакы ааҕыыга ылынна. Ол туһунан парламент туһааннаах сис кэмитиэтин бэрэссэдээтэлэ Юрий Николаев тус санаатын үллэһиннэ.
— Билэргит курдук, өрөспүүбүлүкэ 2023, 2024 уонна 2025 сыллардааҕы бүддьүөтүн былаана былырыыҥҥытааҕар уустук быһыыга-майгыга бастакы ааҕыыны ааста. Ол курдук макроэкономическай балаһыанньа олох атын. Онон да буолуо, норуот дьокутааттара уопсай сүбэнэн салайтаран куоластаатылар. Урукку өттүгэр бүддьүөт уопсай кээмэйин сорох паартыйалартан дьокутааттар куруук утары куоластыыр этилэр.
Сокуону иккис ааҕыы кэмигэр бу кээмэйдэр улаатар өттүгэр уларыйыахтара. Ол биһигини үөрдэр, тоҕо диэтэххэ, ити эбиллэр суума өрөспүүбүлүкэ социальнай-экономическай сайдыытыгар күүс-көмө буолуоҕа. Биһиги бүддьүөтү ылынар кэммит киинтэн көрүллүөхтээх дотацияны тыырыы кэмигэр түбэһэр. Өрөспүүбүлүкэ бэйэтэ киллэрэр дохуотун таһынан сэтинньи устатыгар федеральнай киинтэн кэлэр дотация чопчуламмыт кээмэйин ылыахпыт. Сэтинньигэ ити сыыппара ситэри чуолкайданнаҕына, үһүс ааҕыыга диэри өрөспүүбүлүкэ бүддьүөтүн кээмэйэ биллэрдик улаатыаҕа. СӨ Ил Дархана Айсен Николаев Ил Түмэҥҥэ бүддьүөтү дьүүллэһиигэ байыаннай сулууспалаахтары уонна кинилэр дьиэ кэргэннэрин өйүүр, кинилэргэ көмөлөһөр дьаһаллары ылыныы уонна тыа хаһаайыстыбатын сайыннарыы тосхолугар, ас-үөл өттүгэр куттал суох буолуутугар, тастан киирэр бородууксуйаны солбуйууга болҕомтону ууруу биир сүрүн сорук буоларын бэлиэтээн эттэ. Ити тирээн турар суолталаах боппуруостарга дойду президенин В.В.Путин уонна СӨ Ил Дарханын А.С.Николаев Ыйаахтара тахсыбыттара. Сарсыҥҥыттан өрөспүүбүлүкэ ситэриилээх уонна бэрэстэбиитэллээх былаастарын икки ардыларыгар бу хайысхаларга тэриллибит хамыыһыйа үлэтин саҕалыаҕа. Онон көннөрүүлэри, эбиилэри киллэриигэ икки өттүттэн өйдөһүүлээх, ситэрсиилээх көдьүүстээх үлэ барыа дии саныыбын.
Елена Иванова
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…