Юрий Николаев: «Хаһааҥҥытааҕар да элбэх киһи кэлэн иһиттэ»

Ил Түмэҥҥэ  Саха Өрөспүүбүлүкэтин Төрүт Сокуонугар уларытыылары киллэриигэ анаммыт аһаҕас истиилэр түмүктэннилэр. Мунньах кэннэ норуот дьокутаата, Ил Түмэн бүддьүөккэ, үпкэ, нолуокка уонна бас билии боппуруостарыгар сис кэмитиэтин бэрэссэдээтэлэ Юрий Николаев санаатын кытта үллэһиннэ:

— Ил Түмэн аһаҕас истиилэрин көрдүм. Ол курдук, Ил Түмэн Судаарыстыбаннай тутулга уонна сокуону оҥорууга сис кэмитиэтин тэрийэн ыыппыт истиилэрин бүгүн онлайн быһа холбонууттан иһиттибит. Бүгүн хаһааҥҥытааҕар да элбэх киһи кэллэ. Ил Түмэн боруогун хаһан да атыллаабатах дьон кытта сырытта. Олохтоохтор Төрүт сокуоҥҥа ккириэхтээх уларытыылары үөрэппиттэрин көрдөрдүлэр.  Санаа атастаһыыта күүстээхтик барда. Ону кытт кэлбит дьон судаарыстыбаннай тэрилтэлэр регламеннарын чопчу билбэттэрин бигэргэттилэр. Холобур, убаастанар, аҕам саастаах дьон тыл этэ турдаҕына, быһа түһэн саҥарар, сыыһа-халты тахсыбыттарын бэлиэтии көрдүм. Уопсайынан мунньах куһаҕана суохтук барда. Киирбит этиилэр ырытыллан,  мунньахха көрүллүөхтэрэ, көннөрүүлэр киириэхтэрэ.  Онон аһаҕас истиилэр тус соругун толордо диэн бэлиэтиэм этэ.