Юрий Слепцов: «Баһылык дьонун-сэргэтин туһугар бэриниилээх, кинилэр этиилэрин олоххо киллэрэр, кыһалҕаларын быһаарар»

Юрий Слепцов, Нам улууһун баһылыга:

—Саха Өрөспүүбүлүкэтин Төрүт Сокуонугар киирэр уларытыылары биһириибин. Чуолаан Төрүт Сокуоҥҥа олохтоох салайыныы икки таһымнаах хаалара сөп.
Олохтоох бэйэни салайыныы тиһигэ сүүрбэттэн тахса сыл үлэлээн, норуокка туһалааҕын, көдьүүстээҕин көрдөрдө. Бу өрөспүүбүлүкэҕэ ылыллыбыт Сокуон улуус уонна тыа нэһилиэгин тыhымнарыгар олохтоох бэйэни салайыныы хааларын мэктиэлиирэ эмиэ үчүгэй.

Салайар уоргаҥҥа уһуннук үлэлээбит киһи буоларым быһыытынан, тус бэйэм көрүүбэр, олохтоох бэйэни салайыныы уорганыгар баһылык норуотун кыһалҕатын үрдүттэн билэн олорон, үлэлииригэр-хамныырыгар да судургу буолар. Ханнык баҕарар кэмҥэ баһылык талылыннын даҕаны, ананнын даҕаны, кини дьонун-сэргэтин туһугар бэриниилээх, кинилэр этиилэрин олоххо киллэрэр, кыһалҕаларын быһаарар, үлэтигэр ис сүрэҕиттэн сыһыаннаһар киһи буолуохтаах.

https://t.me/uriysleptsov