Юрий Слепцов: «Пуорумҥа элбэҕи биллибит-көрдүбүт»

Юрий Слепцов: » Бүгүн үһүс күнүн Дьокуускайга “Төрөөбүт дойду – Арассыыйа күүһэ” Бүтүн Арассыыйатааҕы III муниципальнай пуорум үлэлиир. Пуорумҥа Саха сирин улуустарын, куораттарын баһылыктара кытта сылдьаллар.

Пуорум кыттыылааҕа, Нам улууһун баһылыга Юрий Слепцов санаатын маннык үллэстэр:

-“Малая Родина – сила России” Бүтүн Арассыыйатааҕы пуорум  олохтоох салайыныы лиидэрдэрин, биисинэс бэрэстэбиитэллэрин, уопсастыбаннай тэрилтэлэри уонна эспиэрдэри баар боппуруостары дьүүллэһиигэ уонна сайдыы стратегияларын ырытыыга түмэр күүс буолла. Хас биирдии тэрээһин билиини-көрүүнү  атастаһыыга уонна муниципальнай салайыы саамай тирээн турар кыһалҕаларыгар быһаарыныы ылынарга  туһуланна.  Ол курдук, маастар-былааннар оруолларын уонна кинилэри куорат тутуутун тиһигэр киллэриини, дойдулар икки ардыларынааҕы араастаһыыны туоратыыны,  туризмы уонна территориялары биир кэлим сайыннарыыга  технологическай быһаарыылары дьүүллэстибит. Ону сэргэ комплекснай былааннааһыны салайыы инструменнарын туһанан дьон сынньанар уонна уопсастыбаннай сирдэри  табыгастаах гына оҥорууга элбэҕи биллибит-көрдүбүт.