Хаартыска: Үлэ министиэристибэтэ
От ыйын 10 күнүгэр Инбэлииттэр уонна бэтэрээннэр өрөспүүбүлүкэтээҕи реабилитационнай кииннэрин тэрийээччи Юрий Степанов төрөөбүтэ 75 сылынан Инбэлииттэри биир кэлим реабилитациялыыр социальнай-чэбдигирдэр өрөспүүбүлүкэтээҕи кииҥҥэ мемориальнай дуоска уонна түмэл аһылынна.
Тэрээһиҥҥэ СӨ бырабыыталыстыбатын бэрэссэдээтэлин солбуйааччы Георгий Степанов, үлэ уонна социальнай сайдыыы миниистирин солбуйааччы Елена Теплякова, СӨ Судаарыстыбаннай мунньаҕын дьокутааттара, Киин үлэһиттэрэ кытыннылар.
Юрий Павлович биир идэлээхтэрэ, бииргэ кылааска үөрэммиттэр уонна махталлаах эмтэнээччилэр үтүө тылларынан ахтан-санаан, кини куруук инбэлииттэр уонна бэтэрээннэр интэриэстэрин туруулаһан үлэлээбитин бэлиэтээтилэр.
Елена Теплякова үтүө салайааччы, элбэх хайысхалаах Киини тэрийээччи туһунан бу өйдөбүнньүк Реабилитация киинин түмсүүлээх кэлэктиибин сыратынан оҥоһуллубутун бэлиэтээтэ.
«Юрий Павлович Киин материальнай-тиэхиньиичэскэй базатын атаҕар туруорарга уонна кэҥэтэргэ, үлэһиттэр усулуобуйаларын тупсарарга улахан тэрээһиннээх үлэни ыыппыта. Чуолаан кини сыратынан инбэлииттэри реабилитациялыырга уонна абилитациялыырга мэдиссиинэ-социальнай тэрилтэтин тэрийбитэ. Кини биһиги биир идэлээхтэрбитигэр холобурунан буолар. Юрий Степанов – биһиги солбуллубат салайааччыбыт, үгүс үөрүйэхтээх тэрийээччибит, олоххо көхтөөх көрүүлээх киһибит этэ. Кини туһунан сырдык өйдөбүл кинини билэр уонна бииргэ үлэлээбит дьон сүрэҕэр куруук хааллын”, — диэтэ Елена Теплякова.
Инбэлииттэри биир кэлим реабилитациялыыр социальнай-чэбдигирдэр өрөспүүбүлүкэтээҕи кииҥҥэ сыл аайы 3 тыһыынчаттан тахса инбэлиит уонна бэтэрээн доруобуйатын чэбдигирдэр.
Быһаарыы:
Юрий Павлович Степанов – Арассыыйа Федерациятын үтүөлээх бырааһа, мэдиссиинэ наукатын доктора, бэрэпиэссэр, СӨ социальнай сулууспатын социальнай-үлэ эйгэтин туйгуна, Сунтаар улууһун уонна Бүлүүчээн сэлиэнньэтин бочуоттаах олохтооҕо.
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…