Ааптар хаарытската
РФ Бэрэсидьиэнин Уһук Илин федеральнай уокуругун боломуочуйалаах бэрэстэбиитэлэ Юрий Трутнев суруналыыстары кытары көрсүһэригэр Сахалин бырааһа Юрий Евич туһунан туох санаалааҕын ыйыттылар.
Онуоха вице-премьер байыаннай бырааһы өйүүрүн биллэрдэ, өскөтүн административнай ыстараапка түһэрдэхтэринэ, ону мин төлүөм диэн эттэ.
Юрий Евич байыаннай дьайыылар буола турар сирдэригэр үлэлээбит байыаннай хирург, «Тактическай мэдиссиинэ» киинин төрүттээччитэ, «Донбасс добровольческай сойууһа» уопсастыбаннай тэрилтэ састаабыгар киирэн 2014 с. ЛДНР-га байыаннай дьайыыга кыттыбыт. Кини бастакы көмөнү оҥорууга элбэх суруйуулардаах, брошюралардаах, онно аналлаах лиэксийэлэри ааҕар.
Санатар буоллахха, Юрий Евич Соҕуруу Сахалинскайга Росгвардия үлэһиттэригэр лиэксийэ аахпыт. Онно биир киһи байыаннай сулууспалаахтар эминэн-томунан хааччыллыылара мөлтөҕүн кэпсээтэ диэн үҥсэн, Арассыыйа аармыйатын холуннарыыга буруйдаабыттара. Ол туһунан элбэх маассабай иһитиннэрэр сириэстибэлэр кэпсээтилэр. Кини дьыалата Калужскай оройуоннааҕы суутугар көрүллүөхтээх.
РФ Бэрэсидьиэнин Уһук Илин федеральнай уокуругун боломуочуйалаах бэрэстэбиитэлэ Юрий Трутнев санаатын маннык үллэһиннэ:
— Миэхэ ити түбэлтэ туһунан бэҕэһээ эппиттэрэ. Евич этиилэрин барытын болҕойон көрбүтүм уонна истибитим. Бастатан туран, мин санаабар, ханнык эрэ түгэҥҥэ, кырдьык, кэккэ министиэристибэлэр салайааччыларын туһунан кытаанахтык этэр, сороҕун арыый сааһылаан, сөпкө этиэххэ сөп буолуо этэ, ол иһин кини хас биирдии тылын кытары сөпсөһөбүн диэбэппин. Онуоха, мин санаабар, икки сүрүн түгэн баар. Бастатан, кини ханна эрэ дьиэ иннигэр олорон ол туһунан дьүүллэспэтэх. Кини байыаннай дьайыылар кыттыылаахтара, дьон олоҕун быыһааччы. Евич — байыаннай быраас. Иккиһинэн, мин көрдөхпүнэ, атын хантан эрэ туораттан буолбакка, бэйэбит испититтэн көрөр. Кини этиилэрэ, дойдутун иһин ис дууһатыттан ыалдьарыгар, кыһалларыгар олоҕуран тахсар курдуктарын көрөбүн.
Юрий Трутнев суут быһаарыытыгар сабыдыаллыыр кыаҕым суох, ол гынан баран, административнай ыстараапка түһэрдэхтэринэ, ону мин төлүөм диэн санаатын түмүктээтэ.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…