Юрий Трутнев Арассыыйа Бэрэсидьиэнин быыбарыгар кытынна

РФ Бырабыыталыстыбатын бэрэссэдээтэлин солбуйааччы – Уһук Илин федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев Арассыыйа бэрэсидьиэнин быыбарыгар куоластаата.

Вице-премьер кулун тутар 16 күнүгэр 1517 №-дээх оскуолаҕа баар Москва 3107 №-дээх быыбардыыр учаастагар сырытта.

“Арассыыйа бэрэсидьиэнэ дойду ситэриилээх былааһын салайар, судаарыстыба сайдыытын стратегиятын быһаарар, бары ситэриилээх былаас уорганын салайар. Судаарыстыба баһылыгын быһаарыытыттан биһиги уонна оҕолорбут олохторо тутулуктаах. Бэрэсидьиэни талан биһиги дойдубут кэскилин, тутулуга суох буолуутун, төрөөбүт тылынан саҥарар, сайдар уонна үөрэҕи ылар кыахпытын быһаарабыт”, — диэн Юрий Трутнев бэлиэтиир.

Санатан эттэххэ, Арассыыйа бэрэсидьиэнин быыбара кулун тутар 15-17 күннэригэр буолар. Аан бастаан үс күн устата ыытыллар.