Юрий Трутнев байыаннайдарга квадроцикллары уонна баггилары туттарда

РФ бэрэсидьиэнин Уһук Илиҥҥи федеральнай уокурукка бастайааннай бэрэстэбиитэлэ Юрий Трутнев байыаннай сулууспалаахтарга квадроцикллары уонна Уһук Илиҥҥи баггилары (суола суох сиринэн айанныыр чэпчэки ыйааһыннаах массыыналары) туттарда. Маны таһынан, байыастарга Саха сиригэр оҥоһуллубут «Сокол» үс квадроциклы уонна Хабаровскайдааҕы «Ерофей» үс вездеходу тиксэрдилэр.

Итиэннэ Еврейскэй автономнай уокуруктан өссө үс баггины, дьону уонна таһаҕаһы таһарга алта пикап массыынаны, снайперскай комплекстары, винтовкалары туттардылар.

Владимир Жоги аатынан пилота суох көтөр ааллар киинигэр Юрий Трутнев байыаннай дьайыы буола турар сиригэр сөп түбэһэр массыына уонна квадрокоптердары биэрдэ. Киин салайааччыларын кытары байыастар хайдах үөрэнэ сылдьалларын туһунан кэпсэттэ.

Ону таһынан, Юрий Трутнев Донецкай норуоднай өрөспүүбүлэкэҕэ байыаннай сулууспалаахтары кытта көрүстэ, ол иһигэр Уһук Илинтэн сылдьар саллааттар бааллар.