Хаартыска: www.sakha.gov.ru
Уһук Илин тэрилтэлэрин – “Патриотическай” ТОР резиденнэрин оҥоһуутун анал байыаннай дьайыы сиригэр байыаннай сулууспалаахтарга уонна баҕа өттүнэн кыттааччыларга тириэрдии салҕанар.
Бырабыыталыстыба бэрэссэдээтэлин солбуйааччы — РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев өссө биир баартыйаны Арассыыйа Аармыйатын инники сылдьар хамандыырдарыгар уонна байыаннай сулууспалаахтарыгар, ол иһигэр Уһук Илинтэн сылдьааччыларга тиксэрдэ.
“Биһиги тиэхиньикэни, бастатан туран, Илиҥҥи байыаннай уокурук подразделениеларыгар тиксэрдибит. Ону эвакуационнай чаас бэрэстэбиитэллэрэ туттулар, тоҕо диэтэххэ, атыттар кыргыһыыга сылдьаллара. Уолаттары кытта дьыала хайдаҕын, тиэхиньикэ төһө бэркэ үлэлиирин, тугунан көмөлөһүөххэ сөбүн туһунан кэпсэттибит. Холкутуйар билигин да эрдэ, сэрии салҕанар. Аармыйабытын өйүүр туһугар кыаллары барытын оҥоруохтаахпыт. Бу сырыыбытыгар 90-тан тахса тырааныспары тиксэрдибит. Бу барыта Уһук Илин хомуллубут тиэхиньикэ буолар. Биһиги технологияны сайыннарабыт, саҥа оҥоһуктары оҥорорго үөрэнэбит, бу барыта байыастарбытыгар көмөлөһөр соруктаах. Үлэ салгыы барыаҕа. Биһиэхэ “Патриотическай” ТОР баар, бу иитинэн тугу кыайарбытынан фроҥҥа анаан оҥоруохпут. Бу — матасыыкыл, снегоболотоход, квадроцикл, тепловизионнай прицел о.д.а. буолар. Илиҥҥи байыаннай уокурук хамаандалааччытын кытта кэпсэттим. Кини Оборуона миниистирэ Андрей Рэмович Белоусов биһиги тиэхиньикэбитин Арассыыйа оҥорор атын, ону тэҥэ, кытай тиэхиньикэтин кытта тэҥнээбитин уонна Уһук Илин матасыыкыллара ордук диэн бэлиэтээбитин кэпсиир, мин санаабар, эмиэ оннук, – диэн Юрий Трутнев этэр.
Байыастар Приморьеҕа оҥоһуллубут 150-тан тахса “Харон” тепловизионнай прицелы, Саха сириттэн “ЯКТ-СОКОЛ” тэрилтэ иҥнигэһэ суох сылдьар 40 “Сокол” снегоболотоходун уонна 40 “Тимир АТ” элэктэриичэскэй матасыыкылын, Забайкальскай кыраай 2 тыһ. тахса FPV-дронун, Бурятияттан 10 “Медоед” болуотанан сылдьар тиэхиньикэтин туппуттар. Ону таһынан, снайпердар тэриллэрин, дроннары кытта охсуһар саалары, кэтээн көрөр прибордары, БПЛА, РЭС сириэстибэлэрин, снаряд үлтүркэйиттэн харыстыыр көстүүмнэри илдьибиттэр.
Бу туһунан СӨ официальнай иһитиннэрэр порталыгар суруйаллар. Салгыы манна ааҕыҥ.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…