Сахагов
Быйыл ыам ыйын 1 күнүттэн “Дальний Восток – земля приключений” Бүтүн Арассыыйатааҕы айан үһүс куонкуруһугар кыттыыга сайаапкалары ылыы саҕаланыаҕа. Куонкурус ВЭФ-2022 саҕаламмыта. Ону көҕүлээччинэн РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин иһинэн боломучуйалаах бэрэстэбиитэл Юрий Трутнев буолар.
Быйылгы сезоҥҥа саҥаны киллэрии – айан географиятын кэҥэтии.
“Биһиги бу куонкуруһу ыытар туһунан үһүс төгүлүн биллэрдибит. Ааспыт икки сылга Уһук Илиҥҥэ ураты айаннар тустарынан киинэлэри туппуппут. Быйыл биһиги Арктикаҕа анаммыт анал номинацияны биллэрэбит. Арктика уон эрэгийиэнин кэрэтигэр умсугуйбут айанньыттары биһирээри. Бу киинэлэр көмөлөрүнэн дьон Уһук Илин уонна Арктика эрэгийиэннэрин көрүөхтэрин баҕарыахтара диэн эрэнэбит”, — диэтэ Юрий Трутнев.
Куонкуруска кыттарга Уһук Илиҥҥэ эбэтэр Арктикаҕа айан туһунан 8 мүнүүтэ уһуннаах кылгас киинэни устуохтааххын уонна 2026 сыл тохсунньу 15 күнүгэр диэри путешественникдв.рф. саайтынан жюри сыанабылыгар ыытыахтааххын.
Куонкурус хас да номинациялаах: сатыы, уунан, кыһыҥҥы, ону тэҥэ саҥа номинация – Артикаҕа айан.
Сүрүн бириис – 3 мөлүйүөн солкуобай. Номинациялартан биирдэстэригэр кыайыы иһин 1 мөлүйүөн солкуобайы ылыахха сөп, 2 миэстэҕэ – 300000 солкуобайы, үһүскэ – 100000 солкуобайы. Уон саастарыттан үөһээ саастаах оҕолор уонна улахан дьон кытталлар.
Айаннааһын 2023 сыл ыам ыйын 1 күнүттэн саҕаланан баран, 2026 сыл тохсунньу 15 күнүттэн хойутуо суохтаах. Куонкуруска кыттыы сүрүн усулуобуйаларыттан биирдэстэрэ — ЫБМ-ҥа айан туһунан биллэрии, уустук суоллаах-иистээх айан буоллаҕына.
2025 сыл кулун тутар ыйга “Россия” Национальнай киинигэр иккис сезон түмүктэрин таһаарбыттара, ол чэрчитинэн 664 сайаапка киирбитэ. Бу бастакы сезоннааҕар үс төгүл элбэх.
Куонкурус РФ Бэрэсидьиэнин иһинэн Уһук Илиҥҥэ боломуочуйалаах бэрэстэбиитэл аппараатын, Арассыыйа Илиҥҥи сайдыытын министиэристибэтин, “Корпорация развития Дальнего Востока и Арктики” АУо, “Фонд развития социальных инициатив” НКУо өйөбүллэринэн ыытыллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Дьокуускай куорат баһылыга Евгений Григорьев Норуот сомоҕолоһуутун күнүгэр «Сааҕын байыаннай дьайыыга туттар» аахсыйанан байыаннай дьайыы…
Сэтинньи 4-6 күннэригэр өрөспүүбүлүкэҕэ үһүс төгүлүн ыытыллар "Народ и армия едины" диэн Фашизмы утары пуорум…
М.К. Аммосов аатынан Хотугулуу-Илиҥҥи федеральнай университет омук устудьуоннара саха төрүт муус аннынан балыктааһыныгар – муҥхаҕа…
Арассыыйа Федерациятын Бырабыыталыстыбатын Бэрэссэдээтэлин солбуйааччы – Арассыыйа Федерациятын Бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ…
Онкологиялаах ыарыһахтары өйүүр «UNITY» аһымал пуонда «Роскосмос» госкорпорацияны кытта оҕолорго баҕа санааларын олоххо киллэрэллэригэр көмөлөһөр…
Сэтинньи 3 күнүгэр, Норуот сомоҕолоһуутун бырааһынньыгын көрсө, Өрөспүүбүлүкэтээҕи лиссиэй-интэринээт уонна Модут орто оскуолатын үөрэнээччилэрэ, төрөппүттэрэ…