Хаартыска: СИА.
Вице-премьер Юрий Трутнев Саха сиригэр кэлэ сылдьан, Дьокуускай уонна Нерюнгри куораттар маастар-былааннарын олоххо киллэрии туһунан мунньаҕы ыытта. Маны тэҥэ, чэпчэтиилээх куортамҥа бэриллэр дьиэни көрдө-иһиттэ, «Үлэ кыбартаала» креативнай кластер салалтатын, резиденнэрин кытта көрүстэ, Дьокуускай аэропордун аан дойдутааҕы терминалын сөргүтүү бырайыагын билистэ.
— Маастар-былааннары олоххо киллэрии уһун бэлэмнэниитэ суох, быйыл тэтимнээхтик саҕаланыахтаах. Бэрэсидьиэн ылыммыт Уһук Илин куораттарын саҥардыы бырагыраамата саамай улахан уонна суолталаах үлэ. Онон бэрэсидьиэн быһаарыы ылыммытын, үп көрүллүбүтүн кэннэ, ону туһаммакка, улахан уларыйыыны таһаарбакка хаалар сатаммат. Ил Дархан маны бэйэтин тус хонтуруолугар ыларыгар көрдөстүм, — диэн кини эттэ.
2023 сыл бүтэһигэр бырабыыталыстыба Дьокуускай, Нерюнгри куораттар агломерацияларын социальнай-экэнэмиичэскэй сайдыыларын кэлим былаанын бигэргэппитэ. Онно Дьокуускайга 90 эбийиэк, Нерюнгригэ 43 эбийиэк киирбиттэрэ. Үбүлээһин уопсай суумата — федеральнай бүддьүөттэн 50 миллиард солкуобай.
Бэрэсидьиэн кэлим субсидиятын үбүнэн 203-с түөлбэҕэ «Центр глобального образования» гимназия дьиэтигэр эбии 253 оҕоҕо анаммыт оскуола дьиэтэ тутуллуоҕа. Ленин проспегар 1-кы №-дээх оскуола тутуллуоҕа.
Маастар-былаан чэрчитинэн, Сайсары күөл кытыла тупсарыллыаҕа, оттон Ленин болуоссата уонна Роман Дмитриев аатынан өрүс кытылынааҕы уулусса оҥоһулла сылдьаллар, Өлүөнэ муостатын уонна уҥа кытылын суолун бырайыага оҥоһуллан бүттэ.
Дьокуускайга 68-с кыбартаалга элбэх дьайыылаах киинэ павильона тутуллан, Сибииргэ, Уһук Илиҥҥэ саамай бөдөҥ кинотехнологическай киин буолуоҕа.
Дьокуускайга кыһыҥҥы өттүгэр күн сырдыга аҕыйах буолан, куораты сырдатыы систиэмэтин саҥардыы үлэтэ ыытыллыаҕа. Саҥа лаампалары сэргэ, «Умный город» систиэмэтэ, видеонан кэтээн көрүү цифровой сервиһэ холбонуоҕа. Уулуссаны сырдатыы ороскуота икки төгүл кыччыаҕа.
Бэрэсидьиэн кэлим субсидиятын үбүнэн Нерюнгритээҕи киин балыыһатын тирии-дерматологическай диспансерын, балыыһа комлексны уонна дьахтар консультациятын дьиэлэрэ сөргүтүллүөхтэрэ.
Ил Дархан, бырабыыталыстыба дьаһалтатын пресс-сулууспата
Алтынньы 17-31 күннэригэр Дьокуускай куоракка ыытылла турар “Чайковский Фест. Якутск” бэстибээл төрдүс биэчэрэ “Евгений Онегин”…
Ааспыт нэдиэлэҕэ Өлүөхүмэ улууһун Заречнай нэһилиэгэр оҕо аймах, дьон-сэргэ кэтэспит кэрэ-бэлиэ күнэ буолла. Ол курдук …
Ыраастаммыт, сууйуллубут куобаҕы өлүүлэргэ араартыыбыт, сибиинньэ эбэтэр сылгы этин кытта булкуйабыт. Эттэри чугуун иһиккэ кутабыт.…
Бырабыыталыстыба бэрэссэдээтэлин солбуйааччы Георгий Степанов Дьокуускайга В.П. Решетников аатынан кырдьаҕастар, инбэлииттэр олорор интэринээт-дьиэлэригэр уонна анал…
Дьокуускай куорат Борокуратуурата Арассыыйа ИДьМ “Дьокуускайдааҕы” СУ МУ РФ ХК 159 ыст. 4 ч. көбүппүт…
Кэнники кэмҥэ оҕолор түмсэн оонньообот буоллулар, үксүгэр төлөпүөнүнэн эрэ оонньууллар. Оттон элбэх буолан, сүүрэн-көтөн оонньооһун…