Уһук Илин ытыктабыллаах олохтоохторо!
2022 сыл биһиэхэ судургута суох буолла. Ол да буоллар пандемия даҕаны, сааҥсыйалар даҕаны Уһук Илин социальнай-экэнэмиичэскэй сайдыытын бытаардыбатылар, харгыстаабатылар. Дойдубут экэниэмикэтэ Илин диэки хайыһыытыттан, макроэрэгийиэҥҥэ саҥа инникилээх суол арылынна.
Бүгүҥҥү күҥҥэ 2784 инвестиционнай бырайыагы олоххо киллэрии салҕанар. Быйылгы сылга 120 тэрилтэ тутулунна, 14 тыһ.кэриҥэ үлэ миэстэтэ тэрилиннэ.
Илиҥҥи экэнэмиичэскэй пуорумҥа уопсайа 3,3 трлн солк. 296 инвестиционнай сөбүлэһии түһэрсиллибитэ. РФ Бэрэсидьиэнэ кыттыылаах Арассыыйаҕа саамай бөдөҥ эбийиэктэр — Забайкальетааҕы бурдугу таһар терминал, Камчаткаҕа «Командор» балык собуота, «Александр Деев» диэн Сахалиҥҥа анаан Амурга оҥоһуллубут таһаҕаһы таһар паромҥа былаах күөрэччи көтөҕүлүннэ.
2022 сылга Уһук Илин сиригэр-уотугар социальнай инфраструктура 46 эбийиэгэ — оскуолалар, балыыһалар, уһуйааннар, култуура уонна успуорт тэрилтэлэрэ үлэҕэ киллэриллибиттэрэ. Хапытаалынай өрөмүөн 44 эбийиэккэ түмүктэммитэ. «1000 тиэргэн» бырагыраама үлэлээн, 1229 тиэргэн, алта уопсастыбаннай сир-уот тупсарылынна.
РФ Бэрэсидьиэнин сорудаҕынан Уһук Илин куораттарын маастар-былааннара оҥоһуллаллар. Бырайыактар судаарыстыба Баһылыгар 2023 сыл саҥатыгар көрдөрүллүөхтээхтэр.
Саҥа сыалбытынан-сорукпутунан анал байыаннай эпэрээссийэҕэ уонна Арассыыйа састаабыгар киирбит территориялары чөлүгэр түһэриигэ көмөнү оҥоруу буолар.
Иннибитигэр өүлэ өссө да элбэх. Биһиги бары бииргэ туруоруллубут сыалы-соругу толоруохпут диэн эрэллээхпин.
Кэлэн иһэр Саҥа дьылынан! Ситиһиини уонна бары үтүөнү баҕарабын!
РФ Бырабыыталыстыбатын бэрэссэдээтэлин солбуйааччы – Уһук Илин эрэгийиэҥҥэ РФ Бэрэсидьиэнин боломуочуйалаах бэрэстэбиитэлэ Юрий Трутнев
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…