Юрий Трутнев: “Экэниэмикэ сайдыыта социальнай эйгэ сайдыытын быһаарар”

РФ Бэрэсидьиэнэ В.В. Путин Уһук Илин эрэгийиэни сайыннарыы туһунан биллэриэҕиттэн социальнай-экэнэмиичэскэй эйгэ сайдыытыгар улахан болҕомто ууруллар диэн вице-премьер Юрий Трутнев НТВ ханаалга биэрбит интервьютугар эттэ.

“Экэниэмикэ сайдыыта социальнай эйгэ сайдыытын быһаарар. Атын эрэгийиэннэри кытары тэҥнээтэххэ, инвестицияны тардыы икки төгүл үрдээтэ. Олорор дьиэни тутан киллэрии, тыа хаһаайыстыбатын сайыннарыы көрдөрүүтэ үрдүүр. Уһук Илин уокурук балысханнык сайдар”, — диэн бэлиэтээтэ вице-премьер.
Ити барыта хамнас улаатыытыгар олук буолар диэн кини эттэ. Саҥа тэриллибит тэрилтэлэргэ 106 тыһ. үлэ миэстэтэ баар. Төһөнөн элбэх киһи баар, үлэлиир даҕаны социальнай эйгэ эмиэ кэҥиир. Бастатан туран, биһиги дьон, нэһилиэнньэ ирдэбилинэн салайтарабыт диэтэ кини. Билигин Уһук Илин саамай улахан кыһалҕа мэдиссиинэ уонна суол боппуруоһун кытары сибээстээх, ону быһаарарга үлэлиибит диэн тоһоҕолоон бэлиэтээтэ Юрий Трутнев.