РФ Бэрэсидьиэнин Уһук Илин федеральнай уокуругун боломуочуйалаах бэрэстэбиитэлэ Юрий Трутнев Саха сиригэр инвестиция бырайыактара олоххо киириилэрин туһунан мунньаҕы ыытта.
— Саха сиригэр судаарыстыбаннай өйөбүлүнэн 78 инвестиционнай бырайыак олоххо киириэхтээх. Инвестордар 217 млрд солкуобайы көрөн, 15 тыһыынчаттан тахса үлэ миэстэтин таһаарар соруктаахтар. 187 млрд солкуобай көрүллүбүт 37 бырайыак номнуо олоххо киирдэ, 11 тыһыынча үлэ миэстэтэ таҕыста, –диэн бэлиэтээтэ Юрий Трутнев.
Мунньахха сиртэн хостонор баайдаах сирдэри туһаҕа таһаарыы, олорор кыбаарталлары уонна гостиница комплекстарын туту, ойуур хаһаайыстыбатын бырайыактарын, туризм уо.д.а. боппуруостары ырыттылар.
— Суола-ииһэ ыарахаттардаах уонна тыйыс килиимэттээх Саха сирэ атын эрэгийиэннэргэ холоотоххо, уустук балаһыанньалаах да буоллар, дойду салалтатын, Арассыыйа Бырабыыталыстыбатын өйөбүллэринэн сайдыы тэтимнээхтик барар. Гостиницаттан саҥа олорор дьиэ түөлбэлэрин тутууттан саҕалаан, урууданы хостооһуҥҥа тиийэ – олус наадалаах инвестиционнай бырайыактар өрөспүүбүлүкэ олохтоохторун олохторун таһымын биллэ үрдэтэллэр, — диэн эттэ Ил Дархан Айсен Николаев.
Мунньах кыттыылаахтара салгыы “Саха сиринээҕи урууда хампаанньата” ХЭУо (ПАО “Мечел”), «Полиметалл» хайа байытар Саха сиринээҕи салаатын, «Центр» девелоперскай хампаанньа, Дьокуускайдааҕы өрүс пордун эҥэр саҥа дьон олорор түөлбэтин, “Аллараа Бэстээх грузовой терминал” ХЭУо, «Алмас» ХЭУо курдук суолталаах тэрилтэлэр үлэлэрин ырыттылар, дьүүллэстилэр.
Бүгүн Ил Түмэн тохсус ыҥырыылаах пленарнай мунньаҕар 2025 сылга уонна 2026-2027 сылларга былааннанар кэмҥэ Саха…
Бу куонкуруска ким баҕалаах Саха сирин устун кыһыҥҥы айанын устан кыттыан сөп. Видеоролигы суотабай төлөпүөҥҥэ…
Киһи этинэн-сиининэн сэрэйэн эбэтэр туохха эрэ олоҕуран бу күннэргэ туох буолуохтааҕын билэр. Биттэнии арааһа элбэх.…
Саха сиригэр Арктика улуустарыгар “күөх рейстэри” ыытыы салҕанар. Таһаҕас уу суола тиийбэт Анаабыр, Өлөөн, Эбээн…
Муусука үрдүкү оскуолатын саҥа куорпуһун тутууга бу сылга былааннаммыт үлэ барыта туолбутун туһунан Судаарыстыбаннай сакаасчыт…
Ил Түмэн тохсус уочараттаах пленарнай мунньаҕар норуот дьокутааттара 2024 сылга уонна 2025-2026 сылларга былааннанар кэмҥэ…