Хаартыска: sakha.gov.ru ылылынна
Уһук Илин 11 эрэгийиэнин баһылыга РФ Бырабыыталыстыбатын бэрэссэдээтэлин солбуйааччы – Уһук Илин федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутневка территорияларын сайдыытын туһунан отчуоттаатылар.
Отчуокка 2024 сыллааҕы Уһук Илин социальнай-экэнэмиичэскэй сайдыытыгар үлэ түмүктэрин уонна 2025 сылга бастакы күөҥҥэ турар соруктары мунньах кэмигэр билиһиннэрбиттэрэ диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
«Бүгүн биһиэхэ эрэгийиэннэр күннэрэ. Эһигини кытта балаһыанньа хайдаҕын, туох буола турарын, туохха болҕомтоҕутун ууруоххутун ырытыахпыт. Эрэгийиэннэр баһылыктара эйэлээх кэмҥэ уонна байыаннай дьайыылар кэмнэригэр тус-туспа оруоллаахтарын үчүгэйдик өйдүүбүт. Ол эрээри, өссө төгүл этэбин, федеральнай былаас эрэгийиэннэргэ өйөбүлү оҥороро салҕанан барыаҕа», — диэн Юрий Трутнев кэпсэтиини саҕалаата.
Вице-премьер мустубут дьон болҕомтолорун ааспыт сыл түмүктэригэр олоҕурбут кэккэ көрдөрүүлэргэ туһаайда. Сүрүн хапытаалга инвестиция үүнүүтүн тэтимин ылан көрдөххө, Уһук Илиҥҥи федеральнай уокурукка бастыҥ түөрт эрэгийиэн иһигэр Хабаровскай кыраай, Сахалин уонна Амур уобаластара, Чукотка киирдилэр. Бырамыысыланнай оҥорон таһаарыы үүнүүтүн тэтиминэн уокурукка инники күөҥҥэ Саха сирэ, Хабаровскай кыраай, Бурятия уонна Приморье сылдьаллар диэтэ кини.
Салгыы сиһилии бу сигэнэн киирэн ааҕыҥ: https://www.sakha.gov.ru/news/front/view/id/3480198
СӨ Ил Дарханын уонна Бырабыыталыстыбатын пресс-сулууспата
http://government.ru/
РФ Федеральнай Мунньаҕын «Парламентская газета» таһаарыытын официальнай саайта иһитиннэрэринэн, үрүҥ көмүһүнэн эрэ буолбакка, күндү металлары…
Кэбээйи улууһун Ньидьили нэһилиэгэр А.С. Борисов аатынан "Тускул" култуура сайдыытын киинин иһинэн Улуу Кыайыы 80…
Уус Ньаараҕа Өймөкөөн улууһун суута бөһүөлэк дьаһалтатыгар аҕыс сиргэ сокуоннайа суох кытаанах бөҕү-саҕы тоҕууну дьаһайарга…
Улуу Кыайыы үбүлүөйдээх күнэ чугаһаата. Онон улуустарга бу бэлиэ даатаны көрсө үлэ бөҕө ыытыллар. Ааспыт…
Дьокуускайга сааскы субуотунньуктар буола тураллар. Куораты ыраастыыр, тупсаҕай көрүҥнүүр туһуттан, элбэх киһи субуотунньукка кыттыста. Дьокуускай…
Бүгүн Ил Дархан Айсен Николаевүөрэх тэрилтэлэрин салайааччыларыгар саҥа оптуобустар күлүүстэрин туттарда. 22 миэстэлээх 27 оптуобус…