Юрий Трутнев Х Илиҥҥи экэнэмиичэскэй пуорум барыллаан түмүгүн таһаарда

Владивостокка РФ бырабыыталыстыбатын бэрэссэдээтэлин солбуйааччы — РФ бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ, ВЭФ тэрийэр кэмитиэтин бэрэссэдээтэлэ Юрий Трутнев онус пуорум барыллаан түмүктэрин таһаарда.

ВЭФ-2025 сүрүн сыыппараларын туһунан Юрий Трутнев маннык иһитиннэрдэ: «Пуорумҥа 75 дойдуттан 7300 киһи кытынна, ол иһигэр 1418 маассабай иһитиннэрэр сириэстибэлэр  бэрэстэбиитэллэрэ, дипломатическай куорпус 14 салайааччыта».

«Билиҥҥи туругунан уопсайа 6 триллион 40 млрд солкуобайтан тахса суумалаах 283 сөбүлэһиигэ илии баттанна”- диэтэ Юрий Трутнев.

Түөрт бөдөҥ сөбүлэһии түһэрсиллибитин быыһыгар Саха сирин соҕуруу өттүгэр тутуллуохтаах Алданнааҕы бырамыысыланнай кластер ааттанна, диэн иһитиннэрэр Ил Дархан, бырабыыталыстыба пресс-сулууспата.

Сиһилии: https://www.sakha.gov.ru/news/11356