РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ — РФ Бырабыыталыстыбатын бэрэссэдээтэлин солбуйааччы Юрий Трутнев Улан-Удэҕэ ыччаты байыаннай- спортивнай уонна патриотическай иитиигэ бэлэмниир «Буойун» киин филиалыгар сылдьан, БПЛА-ны салайыыга үөрэх эбийиэгин көрдө.
Модульнай тииптээх дьиэҕэ аныгы оборудованиенан сэбилэммит үөрэх кылааһа баар. Манна курсааннар анал симулятордарга виртуальнай пилота суох көтөр аппарааттары салайарга үөрэнэллэр. Ол кэнниттэн дьиҥнээх трассаҕа пилотаж тиэхиньикэтин чочуйаллар.
Санаттахха, 2023 с. ыам ыйыттан «Буойун» киин Бурятиятааҕы салаатыгар үөрэнээччилэртэн муниципальнай уорганнар үлэһиттэригэр тиийэ үөрэҕи 1,7 тыһ. кэриҥэ курсаан ааспыт. Кууруска БПЛА-ны салайыыга үөрэхтээһин эмиэ киирэр.
Юрий Трутнев этэринэн, билигин «Буойун» кииннэри сайыннарыы аныгыс түһүмэҕэр таҕыста. Манна байыаннай бэлэмнэнии уонна патриотическай иитиигэ оскуолаларынан учууталлары бэлэмниэхтэрэ.
«Билигин уустук кэмҥэ оскуола үөрэнээччилэрин патриотическай иитиигэ уонна байыаннай бэлэмнээһиҥҥэ итэҕэстэр чуолкайдык көһүннүлэр. Хас биирдии эр киһи төрөөбүт дойдутун сатаан көмүскүөхтээх. Мин итиннэ бигэ эрэллээхпин. Биһиги РФ Бэрэсидьиэнэ Владимир Владимирович Путин сорудаҕын толорууга туох кыалларынан барытын оҥоруохпут. Кииннэри сайыннарыы үлэни сайыннарыахпыт. Итиэннэ өссө төгүл этэбин, патриотическай иитии уонна байыаннай бэлэмнэнии тиһигэ уһулуччулаах буоларыгар, оскуолалары кытта бииргэ үлэлэһиэхпит», — диэтэ Юрий Трутнев.
Дьокуускайга Н.Н.Тарскай аатынан "Туймаада" стадиоҥҥа ыытыллар "Азия оҕолоро" норуоттар икки ардыларынааҕы спортивнай оонньуулары үөрүүлээхтик аһыы…
Саха сиригэр 2024 сылтан саҥа ыал буолар, 25 саастарын туола илик эдэр дьоҥҥо саахсаламмыттарын кэнниттэн…
СӨ Судаарыстыбаннай тутуу уонна олорор дьиэ хонтуруолун управлениета уонна «Биир ньыгыл Арассыыйа» баартыйа «Эдэр гвардия»…
Саха Өрөспүүбүлүкэтин үөрэхтээһиҥҥэ уонна наукаҕа миниистирин бастакы солбуйааччы Алевтина Аргунова ыам ыйын 15 күнүгэр брифинг…
2023 сыл балаҕан ыйыгар Ил Дархан Айсен Николаев Оһуохай күнүн тэрийэр туһунан ыйаахха илии баттаабыта.…
ИлДархан Айсен Николаев СӨ Бочуоттаах олохтооҕун Егор Ларионовы кытары өрөспүүбүлүкэ, чуолаан Нам улууһун социальнай-экэнэмиичэскэй сайдыытын…