Хаартыска: www.sakha.gov.ru
Ити туһунан эрэгийиэннэр губернатордара, федеральнай министиэристибэлэр уонна биэдэмистибэлэр бэрэстэбиитэллэрэ кыттыылаах Илиҥҥи экэнэмиичэскэй пуорумҥа-2024 бэлэмнэнии иитинэн барбыт мунньахха РФ Бырабыыталыстыбатын бэрэссэдээтэлин солбуйааччы – Уһук Илин федеральнай уокуругар РФ бэрэсидьиэнин боломуочуйалаах бэрэстэбиилэтэ Юрий Трутнев бэлиэтээтэ. Кыттааччылар Илиҥҥи экэнэмиичэскэй пуоруму ыытыыга дьыала, култуура, успуорт бырагыраамаларын таҥыыны, ону тэҥэ, Приморье инфраструктуратын бэлэмнээһини ырытыстылар.
“Пуорум, бастатан туран, макроэрэгийиэн иннигэр турар соруктары быһаарар сорук буоларын бэлиэтиибин. Бу курдук көрүүлээх сыһыаннаһаргытыгар, буолаары турар сиэссийэлэри көдьүүстээхтик туһанаргытыгар ыҥырабын”, – диэн Юрий Трутнев мунньах саҕаланыытыгар эттэ.
Санатан аастахха, былырыыҥҥы пуорум түмүгүнэн Саха сирин салалтата уонна хампаанньалара 130 млрд. солк. тэҥэ суумалаах 30 сөбүлэҥҥэ илии баттаспыттара. Ааспыт пуорумҥа илии баттаныллыбыт сүрүн сөбүлэҥнэринэн гелийи үөрэтэр соруктаах Мииринэй улууһугар айылҕа гааһын оҥорон таһаарыы комплексын тутуу бырайыагын олоххо киллэрии туһунан Уһук Илини сайыннарар корпорацияны кытта илии баттаһыы; сүрүннээн Дьокуускай куорат маастар-былаанын олоххо киллэриигэ сыһыаннаах, ол иһигэр “Спортивнай” түөлбэни тутуу үбүлээһинигэр ДОМ.РФ кытта сөбүлэҥ; Саха сиригэр “Байкал” салгын дьоҕус суудуналарын туһаныы сөбүлэҥэ; Саха сирин уонна Кытай хампаанньаларын кытта атыы-экэниэмикэ, инвестиция сибээһин бөҕөргөтөргө Кытай тас дойдуларга тэрилтэлэри сайыннарар ассоциациятын кытта меморандум, о.д.а. буолаллар.
Балаҕан ыйын 3-6 күннэригэр Илиҥҥи экэнэмиичэскэй пуорум-2024 Владивостокка ыытыллыаҕа, пуоруму тэрийээччи – Росконгресс пуонда. Быйылгы сүрүн тиэмэ – “Уһук Илин-2030. Кыаҕы тэрийэн күүспүтүн түмүөххэ”.
“Пуорум сүрүн тэрээһининэн Арассыыйа бэрэсидьиэнигэр модератордар дакылааттара буолар. Дакылааттар стратегическай хайысхалаахтар. Дойду баһылыгар ол олоххо киириититтэн Уһук Илин сайдыыта тутулуктаах соруктары уонна этиилэри билиһиннэриэхтэрэ” – диэн Юрий Трутнев бэлиэтээтэ.
Ону тэҥэ, мунньахха пуорум успуорка уонна култуураҕа сыһыаннаах бырагыраамаларын, Уһук Илиҥҥи федеральнай университ сүрүн куорпуһугар ыытыллыахтаах “Добро пожаловать на Дальний Восток” быыстапканы тэрийиини, “Улица Дальнего Востока” быыстапкаҕа эрэгийиэннэр кыттыыларын уонна тэрээһини ыытыы сүрүн хайысхаларын ырытыстылар. Сиһилии манна ааҕыҥ.
Ил Дархан уонна Бырабыыталыстыба пресс-сулууспата.
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…