Хаартыска: SakhaGov
Арассыыйа Федерациятын бырабыыталыстыбатын бэрэссэдээтэлин солбуйааччы – Уһук Илиҥҥи федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев Владивостокка Илиҥҥи экэнэмиичэскэй пуорумҥа бэлэмнэнии мунньаҕын ыытта.
«Илиҥҥи IX экэнэмиичэскэй пуорум саҕаланыар диэри икки ыйтан кыра кэм хаалла. Пуорум көмөтүнэн Уһук Илиҥҥэ мөлүйүөнүнэн инвестиция тардылынна. Сыл аайы маннык пуорумҥа уонунан ахсааннаах дойдуттан тыһыынчанан киһи кэлэр”, — диэн Юрий Трутнев мунньаҕы арыйда.
Росконгресс пуондатын дириэктэрин солбуйааччы, Илиҥҥи экэнэмиичэскэй пуорум дириэктэрэ Игор Павлов уопсайынан ыллахха, бэлэмнэнии сүрүн дааталарга сөп түбэһиннэриллэн, тэрийэр кэмитиэт бигэргэппит эрэһииминэн баран иһэрин туһунан эттэ. Пуорум саҕаланар күнүгэр Мохсоҕол күнэ бэлиэтиэнэр. Приморье кыраайын уонна Владивосток куорат бэлэмнэниилэрин туһунан эрэгийиэн губернатора Олег Кожемяко уонна Приморье киин куоратын баһылыга Константин Шестаков иһитиннэрдилэр.
Илиҥҥи экэнэмиичэскэй пуорум-2024 култуураҕа бырагырааматын чэрчитинэн кэнсиэртэр уонна быыстапкалар тэриллиэхтэрэ. Быыстапка сүрүн сыанатыгар Кытай Норуодунай Өрөспүүбүлүкэтиттэн оркестр мусукааннара уонна хор артыыстара кыттыылаах Чуумпу акыйаан симфоническай оркестрын кэнсиэрэ буолуоҕа. Эрэгийиэн быйыл “Балык ырыынагын” үлэтин бастакытын тэрийиэҕэ. Успуорт бырагырааматыгар “Биһиги харыстыыбыт”, “ГТО нэдиэлэтэ” чэпчэки атлетика сүүрүү, ууга эрдиниигэ, саахымакка, уу-мотуор успуордугар күрэхтэһиилэр былааннаналлар.
Пуоруму көрсө волонтердары бэлэмнииллэр. Билигин Приморьеҕа 2,5 тыһыынчаттан тахса волонтер, ол иһигэр атын эрэгийиэннэртэн тыһыынча курдук, регистрацияланна. Росконгресс пуондатын сайтыгар ыытыллар онлайн-үөрэх түмүгүнэн волонтердар матырыйаалы төһө билбиттэрин бигэргэтэр тиэс оҥоһуллар.
«Биһиги, мэлдьи буоларын кудук, пуорумҥа толору бэлэмнэнэбит. Биһиги пуорум Уһук Илиммит инники сайдыытыгар көмөлөһүөхтээх саҥа быһаарыылар ылыллар сирдэринэн буоларыгар уопсай күүспүтүн ууран кыһаллыахпыт. Уһук Илиҥҥи пуоруму бэлэмниир хас биирдии киһи пуоруму хайдах гынан үчүгэйдик, интэриэһинэйдик, ис хоһоонноохтук ыытыахха диэн ыйытыыга хоруйдуохтаах, — диэн Юрий Трутнев түмүктэри таһаарда.
VIII Илиҥҥи экэнэмиичэскэй пуорумҥа 62 дойдуттан 7 тыһыынчаттан тахса киһи кыттыбыта. Саамай элбэх киһилээх дэлэгээссийэни Кытай, Индия, Мьянма, Филиппины, Лаос, Монголия ыыппыттара. Пуорумҥа уопсайа 3 трлн 818 миллиард солкуобай суумаҕа 373 сөбүлэһиигэ илии баттаммыта.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…