Хаартыска: СӨ Ил Дарханын уонна Бырабыыталыстыбатын пресс-сулууспата
РФ Бырабыыталыстыбатын бэрэссэдээтэлин солбуйааччы — РФ Бэрэсидьиэнин Уһук Илиҥҥэ боломуочуйалаах бэрэстиибэтэлэ Юрий Трутнев салалтатынан Уһук Илиҥҥи федеральнай уокурук эрэгийиэннэринэн инвестицияны тардыы үлэтин Уһук Илин уокурук Сэбиэтин мунньаҕар дьүүллэстилэр.
«Бүгүн Уһук Илиҥҥи федеральнай уокурук Сэбиэтин уочараттаах мунньаҕын ыытабыт. Биһиги иннибитигэр судургута суох соруктар тураллар. Ол иһигэр эрэгийиэннэринэн инвестициялары тардыы үлэтин дьүүллэһиэхпит. Бу үлэ билигин күннэтэ элбэх сыраны эрэйэр. Рефинансирование ыстаапката инвестицияҕа харгыстары үөскэтэр. Эрэгийиэннэринэн инвестициялары тардыы сайдыы усулуобуйатын үөскэтэр», — диэн дьүүллэһиини Юрий Трутнев арыйда.
Вице-премьер санаппытынан, билигин Уһук Илиҥҥэ судаарыстыбаннай өйөбүл миэрэтин туһанан, 10 трлн солк. тахса суумалаах 2900-тэн тахса инвестиционнай бырайыактар олоххо киллэриллэллэр. Онон, Уһук Илин экэниэмикэтигэр номнуо 5,1 трлн солк. чааһынай инвестиция үбэ-харчыта угуллубут. 2030 сылга бу көрдөрүү 12 трлн солк. буолуохтаах.
«2030 сылга бу көрдөрүү 12 трлн солк. буолуохтаах. Маннык соругу Российскай Федерация Бэрэсидьиэнэ Владимир Владимирович Путин туруорбута», — диэн бэлиэтээтэ Юрий Трутнев.
Улахан бырайыактар үксүлэрэ инвестиционнай түһүмэҕи ааспыттар эбэтэр түмүктэнэллэрэ күүтүллэр. Бырайыактар эксплуатационнай түһүмэхтэргэ киирбиттэр. Уһук Илиҥҥэ барыта 119 бөдөҥ бырайыак олоххо киирэр. Уокурукка инвестордар преференция усулуобуйатыгар араас чэпчэтиилэринэн туһаналлар, ол иһигэр чэпчэтиилээх кирэдьиитинэн.
Эрэгийиэннэр баһылыктара инвестициялары тардыы туһунан билиһиннэрдилэр. Ил Дархан Айсен Николаев иһитиннэрбитинэн, 2024 сылга Саха сирин сүрүн хапытаалыгар 795,2 млрд солк. инвестиция үбэ-харчыта тардыллыбыт, ол аата 2023 сылга тэҥнээтэххэ — 99,3%. Российскай Федерация субъектарынан инвестиционнай килиимэт туругун национальнай рейтинигэр Саха сирэ 2023 сыл түмүгүнэн 14 миэстэҕэ сылдьар. Өрөспүүбүлүкэ Российскай Федерация субъектарын ортолоругар лидерин бигэргэттэ уонна «Регуляторнай эйгэ» хайысханан биэс эрэгийиэн-лидердэр кэккэлэригэр киирбит. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр. Сиһилии манна аах.
Жатайга суудунаны оҥорор аарыма собуот бастакы уочарата быйыл үлэҕэ киирээри, 90 % бүтэн турар. [gallery…
Саха сирин HOTU хамаандата сүүмэрдиир матчка эрэллээхтик кыайбытынан уонна ESL Pro League лигатын сүрүн сезонугар…
Бүгүн СӨ Биоресурсаларга уонна ураты харыстанар сирдэр дириэксийэлэригэр байыаннай дьайыыттан кэлбит судаарыстыбаннай иниспиэктэри кытта көрсүһүү…
ИДьМ Ньурбатааҕы отделын дьуһуурунай чааһыгар биэнсийэлээхтэн сайабылыанньа киирбит. Кини суотабай төлөпүөнүн уорбуттарын, ону таһынан счетуттан…
От ыйын 14 күнүгэр өрөспүүбүлүкэ киин куоратыгар биэс суол-тырааныспар быһылаана бэлиэтэммит. Икки киһи эчэйиини ылбыт.…
Бүлүү улууһун Бастакы Тоҕус нэһилиэгэр, Тыымпы сэлиэнньэтигэр "Манчаары оонньууларын" кыттыылаахтарын уруйдуу-айхаллыы көрсүбүттэр. Бу туһунан социальнай…