Хаартыска -- СӨ Аҕа баһылыгын уонна Бырабыыталыстыбатын саайтыттан.
Москваҕа Муора кэллиэгийэтин Арктикаҕа РФ национальнай интэриэстэрин көмүскүүр Сэбиэтин бастакы мунньаҕа буолан ааста.
Арктикаҕа РФ национальнай интэриэстэрин көмүскүүр Сэбиэтэ Арктика хайысхатыгар судаарыстыбаннай муора бэлиитикэтин олоххо киллэрэргэ туһуламмыт дьаһаллары оҥорорго муора кэллиэгийэтигэр бэриллибит соруктары толорор соруктаах тэриллибитэ.
Мунньаҕы Арассыыйа бэрэсидьиэнин көмөлөһөөччүтэ, муора кэллиэгийэтин бэрэссэдээтэлэ Николай Патрушев уонна Сэбиэт салайааччыта, Арассыыйа бырабыыталыстыбатын бэрэссэдээтэлин солбуйааччыта — Уһук Илиҥҥи федеральнай уокурукка РФ Бэрэсидьиэнин боломуочуйалаах бэрэстэбиитэлэ Юрий Трутнев салайан ыыттылар. Мунньахха Арктикаҕа дойду куттала суох буолуутугар кыһалҕаны ырытыыга уонна быһаарыыга, аан дойду сайдыытын туругун уонна кэскилин сыаналааһыҥҥа сыһыаннаах боппуруостары, ол иһигэр Арктикаҕа байыаннай-бэлитиичэскэй уонна социальнай-экономическай балаһыанньалары ырыттылар. Арктика экэниэмикэтин уонна инфраструктуратын сайдыытын түргэтэтии, дойдубут Арктика сирин-уотун, ону тэҥэ Хотугу муора суолун хонтуруолун тутуһуу национальнай муора бэлиитикэтин биир сүрүн соруктара буоларын тоһоҕолоон бэлиэтээтилэр.
Арктиканы сайыннарыыга научнай-технологическай кыаҕы сайыннарыыга эбии миэрэлэргэ ураты болҕомто ууруллар. Бу зона технологическай сайдыытыгар бырагырааманы оҥоруу кыаллыан сөбүн туһунан боппуруоһу үөрэтэргэ этилиннэ. Арктиканы сайыннарыыга бэйэ бородууксуйатын уонна технологиятын оҥорор сүүрээннэри тобулууну тоһоҕолоон бэлиэтээтилэр. Тиэхиньикэ уонна матырыйаал үлэтин уратыларыгар, уустук килиимэт усулуобуйатыгар үлэлииргэ сыһыаннаах прикладной научнай чинчийиилэри ыытыы суолтата бэлиэтэннэ.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…