Хаартыска: Андрей Сорокин.
РФ Бырабыыталыстыбатын бэрэссэдээтэлин солбуйааччы — РФ Бэрэсидьиэнин Уһук Илиҥҥэ боломуочуйалаах бэрэстиибэтэлэ Юрий Трутнев уонна Ил Дархан Айсен Николаев пилота суох көтөр аппараат лабаратыарыйатыгар уонна “Патриотическай” ТОР бырайыактарын оҥоһуктарын көрдүлэр.
“Инники күөҥҥэ сылдьар байыастарбытыгар көмөлөһөр, кыайыыны уһансар уонна дойдуга саҥа технологиялары сайыннарар тэрилтэлэри салгыы өйүөхпүт. Маныаха анаан биһиги преференциальнай эрэсиими – “Патриотическай” сайдыыны урутуур территорияны (ТОР) тэрийбиппит, өйөбүл атын да миэрэлэрин оҥоробут. Биһиги Уһук Илин тэрилтэлэрин оҥоһуктарын хамандыырдарга көннөрү тириэрдэн кэбиспэппит, оҥоһугу тупсарар, өссө көдьүүстэх буоларын туһугар өрүү хардарыта сибээһи тута сылдьабыт” – диэн Юрий Трутнев этэр.
Лабаратыарыйа ааспыт сыл ахсынньытыгар “Об утверждении приоритетных направлений научно-технологического развития и перечня важнейших наукоемких технологий” Арассыыйа Бэрэсидьиэнин Ыйааҕар олоҕуран “Якутия” технопарк баазатыгар тэриллибитэ. Уопут-конструктор үлэлэрэ оҥоһуллар, билим чинчийиилэрэ ыытыллар, дроннары тургутан көрөр аныгы тэрилинэн хааччыллыбыта. Манна пилота суох көтөр аппарааттар моделлара оҥоһуллуохтарыттан таҥыллыахтарыгар диэри хомуллаллар.
Лабаратыарыйа “Полярнай” НПЦ тэриллэригэр сүрүн тирэҕинэн буолара былааннанар. Былырыын Саха сирэ РФ Бырамыысыланнаска уонна атыыга министиэристибэтин сүүмэрдиир куонкуруһун ситиһиилээхтик ааспыта.
Резиденнэр “Патриотическай” ТОР бэйэтин оҥоһуктарын билиһиннэрдилэр. «Якт-Сокол» хампаанньа хаарынан, кутанан айанныр “Сокол” тэрили, «Зеленая энергия» ХЭУо – “Тимир Ат” электроматасыыкылы, «Саха дрон» — «Хотой-10» пилота суох көтөр аппарааты. Бу оҥоһуктары инники күөҥҥэ байыастарга илдьэллэр. «Якт-Сокол» уонна «Зелёная энергия» бэйэлэрин бырайыактарын иһин «Звезда Дальнего Востока» уопсастыбаннай-дьыалабыай бириэмийэнэн бэлиэтэммиттэрэ уонна “Барыта Кыайыы туһугар” номинацияҕа кыайбыттара.
Бу туһунан Ил Дархан уонна Бырабыыталыстыба пресс-сулууспата суруйар. Салгыы манна ааҕыҥ.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…