Хаартыска: SakhaGov
36 дойду бэрэстэбиитэллэрэ үбүлүөйдээх Илиҥҥи экэнэмиичэскэй пуорумҥа кытталларын бигэргэттилэр. Пуорумҥа 6 тыһыынча кэриҥэ кыттааччы кэлэрэ сабаҕаланар. Ол туһунан РФ бырабыыталыстыбатын бэрэссэдээтэлин – Уһук Илиҥҥи федеральнай уокурукка РФ бэрэсидьиэнин боломуочуйалаах бэрэстэбиитэлин, Илиҥҥи экэнэмиичэскэй пуорум (ВЭФ) тэрийэр кэмитиэтин бэрэссэдээтэлэ Юрий Трутнев иһитиннэрдэ.
«Биһиги Илиҥҥи экэнэмиичэскэй пуорумҥа салгыы бэлэмнэнэбит. ВЭФ Уһук Илин сайдыытын улаханнык көҕүлүөҕэ: эрэгийиэҥҥэ инвестициялар киирэллэр, холбоһуктаах аныгы тэрилтэлэр уонна аэропортар тутуллаллар, үлэ миэстэлэрэ тахсаллар. Манна сүрүн көҕүлээһиннэр – урутаан сайдыы сирэ-уота, “Уһук Илиҥҥи гектар” бырагыраамалар, чэпчэтиилээх ипотека, куорат сайдыытын маастар-былааннара оҥоһуллубуттара. Уһук Илин билигин Арассыыйа уонна Азия-Тиихэй акыйаан эрэгийиэнин дойдуларын икки ардыларыгар транзитнай сир-уот быһыытынан стратегическай оруоллааҕын өйдүүр улахан суолталаах”, — диэтэ Юрий Трутнев.
Үгэс быһыытынан, федеральнай уокурук 11 эрэгийиэнин павильоннардаах “Уһук Илин уулуссата” быыстапка сүрүн түгэнинэн буолуоҕа.
Быыстапкаҕа Саха сирин экспозицията эрэгийиэн туруктаах сайдыытын, инвестицияҕа аһаҕас буолууну уонна норуоттар икки ардыларыгар бииргэ үлэлээһини көрдөрүөҕэ.
Быыстапка кыттыылаахтара быраамысыланнас улахан бырайыактарын олоххо киллэриини, тырааныспар уонна энергетика инфраструктуратын сайдыытын, креативнай индустрияны, урбааны өйөөһүнү, таска таһаарыы уонна туризм кыахтарын билсиэхтэрэ.
Ураты болҕомто туристарга аналлаах кэрэ-бэлиэ миэстэлэргэ ууруллар. ЮНЕСКО бүтүн аан дойдутааҕы нэһилиэстибэтигэр киллэриллибит “Өлүөнэ очуостара” национальнай паарка 200 миэтэрэҕэ тиийэ үрдүктээх очуостарынан сөхтөрөр.
Павильоҥҥа олохтоох табаары оҥорооччулар бородууксуйалара уонна сувенирдара туруоруллуохтара. Саха сирэ култуура үгүс өрүтүн билиһиннэриэҕэ – кэнники уон сылга олохтоох режиссердар киинэлэрэ Арассыыйа уонна норуоттар икки ардыларынааҕы киинэ бэстибээллэригэр 100-тэн тахса наҕарааданы ыллылар.
СӨ Ил Дарханын уонна бырабыыталыстыбатын пресс-сулууспата
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…