Юрий Трутнев РФ Конституциятын күнүнэн эҕэрдэлээтэ

Бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев Арассыыйа Федерациятын Конституциятын 30 сылынан эҕэрдэлээтэ.

— Сүрүн сокуоммут судаарыстыба тутуллар бириинсиптэрин, суолталаах олуктарын көрдөрөр, үрдүк таһымҥа киһи быраабын, көҥүлүн көмүскүүр, дойду сайдар сүрүн хайысхаларын быһаарар.

2020 сыл от ыйыгар ылыллыбыт көннөрүүлэр Конституцияны аныгы олох уларыйыыларыгар сыһыарбыттара, устуоруйа кырдьыгын, дьиэ кэргэн, духуобунай сыаннастары харыстааһын суолталааҕын торумнаабыттара. РФ кыраныыссатын уларытыыга туһуламмыт дьайыылар бобуллубуттара, кэккэ социальнай мэктиэ бигэргэммитэ.

Конститутцияны саҥалыы көннөрүү тэтимнээхтик уларыйа турар бу сиргэ судаарыстыба тирэҕэ, экэнэмиичэскэй уонна социальнай  бөҕөргөөһүнэ буолбута. Төһө да сааҥсыйалар, анал байыаннай дьайыы, тас өттүттэн хаһан да буолбатах ыгыы үрдүнэн, биһиги дойдубут инники диэки баран иһэр, тутулуга суох бэлиитикэтин ыытар, баараҕай бырайыактары олоххо киллэрэр, дьонун-сэргэтин өйүүр.

Биһиги норуоппут устуоруйа араас тургутууларыттан элбэхтик кыайыылааҕынан тахсыбыта. Бу да түгэҥҥэ кыайыахпыт, мэһэйдэри туоруохпут, Арассыыйа сайдарын, бөҕөргүүрүн ситиһиэхпит диэн эрэнэбин!

Уһук Илин олохтоохторугар чэгиэн доруобуйаны, ситиһиилэри уонна эйэлээх халлааны баҕарабын!

Ил Дархан, бырабыыталыстыба дьаһалтатын пресс-сулууспата.