Саха сирэ — саамай киэҥ иэннээх сирдээх уонна элбэх омук олорор Арассыыйа биир эрэгийиэнэ буолар. Манна төрүт үгэстэрин, култуураларын илдьэ сылдьар, дойдубут култууратын, устуоруйатын туоһулуур 120 этническэй омук олорор.
Тыйыс, кэрэ айылҕалаах, элбэх көмүстээх, алмаастаах, сир баайдаах. Саха сирин саамай сүрүн баайа — кини ыалдьытымсах, талааннаах дьоно-сэргэтэ буолар.
Саха сирэ биһиэхэ элбэх биллиилээх учуонайдары, айааччылары, суруйааччылары, ССРС саҕана тэҥнээхтэрин булбатах снайпердары бэлэхтээбитэ. Бүгүн Саха сирин талааннаах, үлэһит дьоно-сэргэтэ инники күөҥҥэ сылдьар, дойдуну IT-өҥөнөн хааччыйаллар, цифровой систиэмэни сайыннараллар.
Сүрүн улахан кылааты кинилэр элбэх снайпердары бэлэмнээн, байыаннай дьайыыга хорсуннук киирсэн Кыайыы дьыалатыгар киллэрэллэр. Дойдуга бэринилээх буолууга «Патриотической» ТОР чэрчитинэн үгүс үлэни ыыталлар, байыастары өйүүллэр.
Арассыыйа Бырабыыталыстыбата Саха сирэ сайдыытыгар улахан болҕомтону уурар. Эрэгийиэн сиригэр-уотугар Уһук Илиҥҥэ көрүллэр бары өйөбүл миэрэтэ оҥоһуллар, инвестиционнай бырайыактар, саҥа тэрилтэлэр аһыллан үлэ миэстэтин таһаараллар. Саҥа оскуолалар, уһуйааннар, успуорт комплекстара, балыыһалар тутуллаллар. РФ бэрэсидьиэнин дьаһалынан Дьокуускай уонна Нерюнгри куораттары тупсарыыга үлэ саҕаланна.
Бу саҕалааһын эрэ, бары бииргэ үлэлээн өссө элбэҕи ситиһиэхпит!
Саха Өрөспүүбүлүкэтин төрүттэммит күнүнэн эҕэрдэлиибин! Дьолу, бары үтүөнү уонна дойдубут туһугар саҥа кыайыылары баҕарабын!
РФ Бырабыыталыстыбатын бэрэссэдээтэлин солбуйааччы – Уһук Илин Федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев.
Дьокуускайга ыам ыйын 19 күнүгэр ыытыллыбыт VIII Бүтүн Арассыыйатааҕы «ЗаБег.РФ» полумарафоҥҥа 1000- тан тахса киһи…
Ыам ыйын 17-19 күннэригэр Саха Өрөспүүбүлүкэтин Бастакы Бэрэсидьиэнэ Михаил Николаев кэриэһигэр көҥүл тустууга Арассыыйа устудьуоннарын…
Халлааммыт сылыйан, күммүт уһаан, дьон-сэргэ аны хайдах сайын кэлэрин билиэн баҕарар. Үгэс быһыытынан, норуот синоптига…
Нэдиэлэ бастакы күнүгэр Саха сиригэр синоптиктар тугу билгэлииллэр? Саха сиригэр киин оройуоннарга, хотугулуу-арҕаа, соҕуруулуу-илин, Өлүөнэ…
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…