Юрий Трутнев Саха сиригэр кэллэ

РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ — РФ Бырабыыталыстыбатын бэрэссэдээтэлин солбуйааччы Юрий Трутнев олунньу 21 күнүттэн олунньу 24 күнүгэр диэри оробуочай сырыытынан Саха Сиригэр кэллэ.

Оробуочай сырыытын чэрчитинэн Дьокуускай уонна Нерюнгри куораттар маастар-былааннарын олоххо киллэриигэ сүбэ мунньах ыытыллара былааннанар.

Уһук Илиҥҥэ боломуочуйалаах бэрэстэбиитэлэ «Үлэ кыбартаала» креативнай кластерга сылдьан, «Патриотическай»ТОР резиденнэрин бородууксуйаларын кытта билсиэҕэ. Ону сэргэ социальнай эбийиэктэринэн, ол иһигэр Үрдүкү муусука оскуолатыгар сылдьара былааннанар.

Юрий Трутнев бастакы үлэ күнүн Дьокуускайдааҕы аэропортка Сэбиэскэй Сойуус Дьоруойа Федор Матвеевич Охлопков кэриэһигэр ыраахтан ытыыга Бүтүн Арассыыйатааҕы турнир кыттыылаахтарын уонна ыалдьыттарын көрсөр зонаны көрдө.