Юрий Трутнев Саха сиригэр куортамнаан олорор дьиэлэр тутууларын көрдө
![](https://sakha-sire.ru/wp-content/uploads/2024/02/a910a889eec920f0e3dfb3af5fe5b2737179c896-900x596.jpeg)
РФ Бырабыыталыстыбатын бэрэссэдээтэлин солбуйааччы — РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев Дьокуускайга Марха микро-түөлбэҕэ тутулла турар куортамнаан олорор дьиэлэр тутууларын көрдө-иһиттэ.
![](https://sakha-sire.ru/wp-content/uploads/2024/02/7600b66c2938fabe525325db040c92e88d239b5c.jpeg)
![](https://sakha-sire.ru/wp-content/uploads/2024/02/6e24a82ad5d22f7d8ac8dab328beb63a41cba102.jpeg)
![](https://sakha-sire.ru/wp-content/uploads/2024/02/d081722aa05d41fe2bbeef8f65abf25471c9f2c3.jpeg)
![](https://sakha-sire.ru/wp-content/uploads/2024/02/9760897f7e22a51cb483ad280c9248bdd475e57e.jpeg)
![](https://sakha-sire.ru/wp-content/uploads/2024/02/a910a889eec920f0e3dfb3af5fe5b2737179c896.jpeg)
![](https://sakha-sire.ru/wp-content/uploads/2024/02/2479126d8a8962abda1bb3251b3da96e19f0deef.jpeg)
«Биһиги дьон дьиэлэнэрин туһугар үлэлиибит. Маныаха Уһук Илиҥҥи ипотека бырагыраама үлэлиир, ону номнуо уонунан тыһыынча киһи туһанна. Куортамнаан олорор дьиэлэр — дьон дьиэлэнэригэр эмиэ биир барыйаанынан буолар. Киһи кыбартыыраны бэйэтин аатыгар суруттарбат, ол оннугар ырыынак сыанатыттан үс гыммыт биирин төлүүр кыахтанар. Бу барыта Уһук Илиҥҥэ дьон тупсаҕайдык олорорун ситиһии туһугар буолар», — диэн Юрий Трутнев этэр.
Вице-премьер тутууну көрөн баран, кыбартыыралар хаачыстыбалаахтык оҥоһуллубуттарын бэлиэтээтэ.
«Куортамнаһан олорор дьиэлэргэ бастатан туран байыаннай дьайыы кыттыылаахтара, учууталлар, быраастар олоруохтара. Бу категорияҕа өссө эдэр учууталлары киллэрэбит», — диэн Айсен Николаев этэр.
Дьиэлэри «Нордсервисстрой» хампаанньа тутар.
Сообщить об опечатке
Текст, который будет отправлен нашим редакторам: