Хаартыска sakha.gov.ru ылылынна
Бырабыыталыстыба бэрэссэдээтэлин солбуйааччы-РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев “Арассыыйа-24” ханаалга интервью биэрэригэр Уһук Илин бары эрэгийиэннэрэ саҥа сирдэри чөлүгэр түһэриигэ көхтөөхтүк көмөлөһөллөрүн бэлиэтээтэ. Ол эрээри, Юрий Трутнев Саха сирин кылаатын туспа тутан ыйда.
“Уһук Илин бары субъектара ДНӨ шефтэһэр сирдэрин ылбыттара уонна ону тус бэйэлэринэн хонтуруоллууллар. Ол эбэтэр анал байыаннай дьайыы зонатыгар бэйэлэринэн тиийэллэр, үлэ хаачыстыбатын, болдьоҕун бэрэбиэркэлииллэр. Мин эмиэ тиийэбин, холобур, болдьоҕу уһатыы дуу эбэтэр атахтааһын дуу биир эмэ баарын көрбөппүн. Ол эбэтэр үлэ ыытылларын тухары биирдэ даҕаны биһиги болдьоҕун уһаппыппыт эбэтэр куһаҕаннык оҥорбуппут диэн суох” – диэн бэрэссэдээтэли солбуйааччы бэлиэтиир.
Бары бөлөхтөр эппиэтинэстээхтик үлэлииллэр, оннооҕор сороҕор олус үчүгэйдик үлэлиир буолан атын нэһилиэнньэлээх пууннарга көһөргө, көмөлөһөргө көрдөһөллөр. Холобур, Саха сирэ ДНӨ Кировскай куоратын чөлүгэр түһэриигэ үчүгэй тэтими көрдөрдө. Туруоруллубут сорудаҕы оробуочай бөлөх олоччу толордо.
“ДНӨ баһылыга Денис Пушилин миэхэ төлөпүөннээбит түгэннэрэ бааллара. Төлөпүөннээн баран, Юрий Петрович, шефтэһэр субъекпытын атын территорияҕа көһөрүөххэ диирэ. Мин: “Туох буолла?” – диэн ыйытыыбар, онно барытын оҥордулар, Кировскайга барыта үчүгэй буолла, кинилэри атын муниципальнай тэриллиигэ көһөрөбүт дуо, диэбитэ. “Өскөтүн барыта үчүгэй диэн эрэллээх буоллаххытына сыҕарытан биэриэххэ” – диэбит Юрий Трутнев.
2024 сылга Саха сирэ Докучаевскай куорат уокуругар номнуо үлэлээтэ. Бу хабар иэнэ киэҥ – 60-тан тахса эбийиэк. Саха сирин дьоно Кировскайга курдук эппиэтинэстээхтик үлэлииллэр.
“2024 сыл тохсунньутуттан ДНӨ Докучаевскай куоратын уокуругун чөлүгэр түһэрии үлэтэ саҕаламмыта. Билигин 65 эбийиэккэ үлэ бүтэн эрэр. Докучаевскайга Саха сирин миэдиктэрин биригээдэлэрэ үлэлииллэр, сүүһүнэн ыарыһахха көмө оҥороллор. Шефтэһэр оройуоммут олохтоохторо биһиги бырааттыы кыһамньыбытын, көмөбүтүн дьиҥ дьыалаҕа көрөллөр” – диэн Ил Дархан Айсен Николаев эппитэ.
Юрий Трутнев саҥа территориялары чөлүгэр түһэрии – бу улахан эппиэтинэс, суолталаах үлэ диэн бэлиэтиир.
Ил Дархан уонна Бырабыыталыстыба пресс-сулууспата.
Ааспыт сылга спортсменнар ылбыт мэтээллэрэ -- 700. Саха сирин спортсменнара былырыын юниордар күрэхтэһиилэригэр 379 мэтээли…
Олунньу 15 күнүгэр Арчы дьиэтигэр Абый улууһун дьоно-сэргэтэ түмсэн оһуокайдаата. Манна Абый улууһуттан Дьокуускайга олорор…
Дойду федеральнай уокуруктарынан Нерюнгри куоракка кулун тутар 19-23 күннэригэр ыытыллар Арассыыйа чөмпүйэнээтигэр кыттарга сүүмэрдиир күрэхтэһиилэр…
Атамайга "Радуга" уһуйааҥҥа "Чобуо чуорааннар" бырайыак бэһис төгүлүн үрдүк таһымнаахтык ыытылынна. Бу уһуйаан иитиллээччилэригэр төрөөбүт…
Саҥа хотоҥҥо киириигэ хотон ортоку өһүөтүгэр салама ыйыыллар. Үрүҥ сиэлтэн харандаас суонун саҕа гына ситии…
Федерация Сэбиэтин федеративнай тутулга, эрэгийиэн бэлиитикэтигэр, олохтоох салайыныыга уонна хоту дойду дьыалаларыгар кэмитиэтин бэрэссэдээтэлин солбуйааччы…