Хаартыска: www.sakha.gov.ru
РФ Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев Уһук федеральнай уокурукка тимир суолунан таһаҕаһы тириэрдии туругун уонна кэскилин туһунан боппуруоһунан мунньах ыытта.
Макроэрэгийиэни дойду киин чааһын кытта сибээстиир сүрүн суол (БАМ уонна Транссиб) олус туолан турар. Былырыын Илиҥҥи полигон таһаҕаһы тиэйэр кыаҕа 173 мөл. туоннаҕа тэҥнэспитэ. Быйыл 180 мөл. туоннаҕа диэри эбиллэр. Маныаха таһаҕаһы ыытааччылар ирдэбиллэрэ биллэ үрдүк. Ааспыт сылга 353 мөл. туоннаҕа (биир эрэ өттүгэр) сайаапка киирбит. Тириэрдиллибэтэх таһаҕас кээмэйэ 180 мөл. туоннаҕа тэҥнэспит. Уһук Илиҥҥи кэккэ таһаҕаһы ыытааччылар сайаапкаларыгар сөбүлэспэттэр. Контейнердары ыытыы тутуллар. Бары таһымнаах бүддьүөккэ нолуогу төлүүр уонна Уһук Илин нэһилиэнньэтин биллэр чааһын оробуочай миэстэнэн хааччыйар хампаанньалар ночоотуран тахсаллар. Кэккэ оҥорон таһаарааччылар тохтуур турукка сылдьаллар диэн Уһук Илиҥҥи боломуочуйалааах бэрэстэбиитэл пресс-сулууспата бэлиэтиир.
“Онон ити боппуруоһу быһаарар инниттэн суһаллык миэрэ ылар ирдэнэр”, — диэн Юрий Трутнев этэр.
Мунньах түмүгүнэн Юрий Трутнев социальнай суолталаах таһаҕаһы бастакынан тиэрдиини хааччыйарга, үөскээбит түгэни ырытан көрөргө уонна хампаанньалар таһаҕастарын тириэрдиигэ уопсай этиилэри бэлэмнээһиҥҥэ, Арассыыйа Тырааныспарка, Экэнэмиичэскэй сайдыыга, Илиҥҥи сайдыыга министиэристибэлэригэр уонна “Арассыыйатааҕы тимир суоллар” ААУо кэккэ сорудахтары биэрдэ.
“Биир даҕаны тэрилтэ үлэтин тохтотуо суохтаах. “Хотугу тириэрдии” олоҕу хааччыйар бары таһаҕаһын тириэрдиини хааччыйар ирдэнэр. Номнуо мунньуллубут, тириэрдиллибэтэх таһаҕас баар. Дьон ол табаары кэтэһэр. Бүгүн бэриллибит сорудахтар бары кылгас кэм иһигэр толоруллуохтаахтар”, — диэн Юрий Трутнев мунньах түмүгэр эттэ. Сиһилии манна ааҕыҥ.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…