Хаартыска: sakha.gov.ru
РФ Бэрэсидьиэнин Ыйааҕынан хорсун быһыытын иһин «Хорсун быһыы» уордьанынан РФ Бэрэсидьиэнин Уһук Илин уокурукка боломуочуйалаах бэрэстэбиитэлин солбуйааччы Денис Андреев наҕараадаланна.
Судаарыстыбаннай наҕарааданы РФ Бырабыыталыстыбатын бэрэссэдээтэлин солбуйааччы-РФ Бэрэсидьиэнин боломуочуйалаах бэрэстэбиитэлэ Юрий Трутнев туттарда.
Былырыын Денис Андреев баҕа өттүнэн анал байыаннай дьайыы зонатыгар барбыта. Сулууспатын стрелок быһыытынан саҕалаабыта, кэлин Приморскай кыраай «Тигр» («Барс-2») этэрээт разведкалыыр бөлөҕүн салайбыта.
Санатан эттэххэ, РФ Уһук Илин уокурукка аппараатын, РФ Илин уокурук сайдыытын министиэристибэтин уонна Арктика сайдыытын корпорациятын үлэһиттэрин бөлөҕө былырыын сайын анал байыаннай дьайыы зонатыгар баҕа өттүнэн барарга быһаарыы ылыммыттара уонна ытык иэстэрин толорон, номнуо дойдуларыгар төнүннүлэр.
«Биһиги хас биирдии киһини ийэ дойдуну көмүскүүргэ угуйар, ону кытта туора турар кыахпыт суох. Манна бары кыттыыны ылыахтарын наада. Мин оннук ыҥырыылаах биир идэлээхтэрбэр этии көтөхпүтүм. Байыаннай дьайыы хонуутугар биһиги дойдубут хас биирдии эр киһитэ сылдьыахтаах», — диэтэ Юрий Трутнев.
Юрий Трутнев сорудаҕынан Арассыыйа аармыйатын байыаннайдарыгар таҥаһы-сабы, тырааныспары тиһигин быспакка тиэрдэллэр, ол иһигэр «Патриотическая» ТОР иһинэн Уһук Илин тэрилтэлэрин бородууксуйаларын ыыталлар.
Бүгүҥҥү күн Кыыс бэлиэтигэр киирэн, биһигиттэн чопчу буолууну, болҕомтону уонна олоҕу сааһылааһыны ирдиир. Дьыалаҕа-куолуга, үлэҕэ-хамнаска,…
Өрөспүүбүлүкэ үгүс улуустарынан бүгүн, атырдьах ыйын 31 күнүгэр, сөҥүүтэ суох, сылаас күн. Сорох сиринэн быстах…
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…
"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…