Юрий Трутнев: «Тимир суол илиҥҥи полигона дойду дьиҥ кыһалҕаларыгар эппиэттиир буолуохтаах”
![Андрей Сорокин хаартыската, СИА](https://sakha-sire.ru/wp-content/uploads/2023/04/aas_2861.webp)
Уһук Илиҥҥи эрэгийиэн социальнай уонна экэниэмикэҕэ сайдыытын ырытар Бырабыыталыстыба хамыыһыйатын мунньаҕын түмүгүнэн Юрий Трутнев Тырааныспар министиэристибэтэ уонна Экэниниэмикэ сайдыытын министиэристибэтэ «Арассыыйатааҕы тимир суоллар» хампаанньаны кытта холбоһон Илиҥҥи полигон нөҥүө тиэйиллэр табаардар бастакы уочараттаахтарын быһаарар этиини оҥороллоругар эттэ.
“Сайаапкалар бүгүҥҥү күн ирдэбилллэригэр төһө сөп түбэһэллэрин анаалыстаан көрүөх тустаахпыт. Тимир суолунан тиэйии кыаҕа үрдээтэ эрээри, табаары ыытааччылар дьиҥ баҕа санааларыгар таба тайаныы ситиһиллэ илик. Тимир суол илиҥҥи полигона дойду бүгүҥҥү күн усулуобуйатыттан тахсар кыһалҕаларыгар эппиэттиир буолуохтаах, урут таҥыллыбыт былааннарга сигэммэккэ эрэ. Бастаан туох тиэйиллэрэ ирдэнэрин өйдөөн баран, төһө элбэх үлэ ирдэнэрин быһааран, ким бу үлэни кыайар кыахтааҕын быһааран тимир суолу үлэлэтиэхтээхпит”, — диэтэ Бэрэсидьиэн боломуочуйчалаах бэрэстэбиитэлэ.
Кини этэринэн, Уһук Илиҥҥи эрэгийиэн сайдыытыттан дойду үгүс эйгэтигэр сайдыы тэтимэ тутулуктаах. “Биир сүрүн кыһалҕанан сөптөөх логистиканы тутуу буолар. Дойдубутугар оҥоһуллубут табаардары Азия дойдуларыгар сөптөөхтүк тиэйии боппуруостара”, — диир Юрий Трутнев.
Сообщить об опечатке
Текст, который будет отправлен нашим редакторам: