РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин УИФуо боломуочуйалаах бэрэстэбиитэлэ Юрий Трутнев Уһук Илин эрэгийиэннэрэ чөлүгэр түһэрэр Донецкай Норуодунай Өрөспүүбүлүкэҕэ чөлүгэр түһэриини ыытар үлэлэрин уонна 2025 с. былааннарын дьүүллэһэр сүбэ мунньаҕы ыытта.
“РФ Бэрэсидьиэнин Ыйааҕар олоҕуран, 2022 сыл бэс ыйыттан УИФуо субъектара ВСУ-ттан босхоломмут Донецкай Норуодунай Өрөспүүбүлүкэ сирдэригэр-уоттарыгар социальнай инфраструктураны чөлүгэр түһэриигэ үлэ ыытыллар. Биһиги эрэгийиэннэрбит баһылыктара бу үлэҕэ күүскэ туруммуттара. Бэйэлэрэ саҥа сирдэргэ-уоттарга тиийэ сылдьыбыттара. Ол курдук, Амур уобалаһын губернатора Донецкайга 10 төгүл сырытта. Саха Өрөспүүбүлүкэтин, Камчатка кыраайын, Сахалин уобалаһын баһылыктара – тоҕус төгүл, Бурятия Өрөспүүбүлүкэтин уонна Хабаровскай кыраай – сэттэ төгүл. ДНР-га сылдьыбатах баһылык диэн суох”, — диэтэ Юрий Трутнев.
Донбаһы чөлүгэр түһэриигэ уһук Илин 11 эрэгийиэнэ кыттар. Вице-премьер бэйэтэ тиийэн ДНР-га чөлүгэр түһэрии хаамыытын көрөр уонна миэстэлэригэр оробуочай бөлөхтөр салайааччыларын көрсөр. Хас да хонуктааҕыта Юрий Трутнев Докучаевскай, Дебальцево уонна Шахтерскай куораттарага сырытта.
2022 сыллаахха УИФуо эрэгийиэннэрэ 31 оскуоланы, уон уһуйааны, икки балыыһаны, алта элбэх этээстээх дьиэни, 274179 кв.м. суолу, 4,45 км водоводу чөлүгэр түһэрдилэр, 21 скважинаны үүттээтилэр, 18 оҕо былаһааккатын туттулар. 84 массыына уонна анал тиэхиньикэ бэрилиннэ. 250 туонна гуманитарнай көмө оҥоһулунна. 2168 оҕону эмтэтэ-сынньата ыыттылар. Шефтэһэр муниципальнай тэриллиилэрин исписэлиистэрин үөрэттилэр: ити сиргэ-уокка бэйэтигэр тиийэн – 30 киһини, шефтэһэр субъектарыгар тиийэн – 5 киһи.
2023 сылга ДНР-га шефтэһэр сирдэригэр 21 оскуоланы, 14 уһуйааны, үс балыыһаны, 11 оҕо былаһааккатын, 29 км водоводу, 231,2 тыһ. кв.м. суолу чөлүгэр түһэрдилэр.
2024 сылга үс балыыһаны, 17 оскуоланы, түөрт уһуйааны, тоҕус оскуоланы уонна успуорт былаһааккатын, 199,2 тыһ.кв.м. суолу чөлүгэр түһэрдилэр. 16 массыынаны уонна анал тиэхиньикэни атыылаһан, биэрдилэр. 2706 оҕону сынньаттылар. 506 туонна гуманитарнай көмө тиэрдилиннэ.
2022-2024 сылларга ДНР 24 нэһилиэнньэлээх пуунугар 844 эбийиэги өрөмүөннээтилэр. 117 массыынаны уонна анал тиэхиньикэни оҥордулар. 8,6 тыһ оҕону сынньата ыыттылар. УИФуо эрэгийиэннэрэ Донбасска 1367,91 туонна гуманитарнай көмөнү ыыттылар.
Быйыл 22 нэһилиэнньэлээх пууҥҥа социальнай инфраструктураны чөлүгэр түһэрии торумнанар. 165 эбийиэккэ үлэ барыаҕа, ол иһигэр 4 балыыһаны, 14 оскуоланы, 5 дьыссааты, 8 оҕо былаһааккатын өрөмүөнүгэр. Тиэхиньикэни салгыы атыылаһыахтара. 2,6 тыһ. оҕону сынньатар былааннаахтар.
“Биһиги 2022 сылтан Амвросиевскай уокурукка 2022 с. көмөлөһөбүт. Ити кэм устата 116 эбийиэги өрөмүөннээтибит. ДНР оҕолоро Москваҕа “Россия” быыстапкаҕа сырыттылар. Биһиги Азовскай муорат кытылыгар оҕо чэбдигирдэр лааҕырын тутарга былаанныыбыт, онно Амур уобалаһын оҕолоро сынньаныахтара”, — диэтэ Амур уобалаһын губернатора Василий Орлов.
“Быйыл федеральнай тыраассаттан Мироновскай бөһүөлэккэ диэри суолу аспааллыахпыт, канализация коллекторын тутуохпут. Камчатка урбаанньыттарын көмөлөрүн бэлиэтиибин. Холобура, Мариупольга поликлиникаҕа чааһынай стоматология кэбиниэтэ арыллыбыта”, — диэтэ Камчатка кыраайын губернатора Владимир Солодов.
Мунньахха ДНР баһылыга Денис Пушилин уонна муниципальнай тэриллиилэр баһылктара кытыннылар.
“Биһиги Уһук Илин Донбаһы чөлүгэр түһэриигэ туруммутун көрдүбүт. Бу көмө олус суолталаах – гуманитарнай эмиэ уонна олорор дьиэни уонна социальнай инфраструктураны чөлүгэр түһэрии. Биһиги билигин ыкса сибээһи тутуһабыт”, — диэтэ ДНР Шахтерскай муниципальнай уокуругун баһылыга Александр Шатов. Санатан эттэххэ, Сахалин уобалаһа Шахтерскайга 200 тахса эбийиэги чөлүгэр түһэрэн, оҥорбута уонна 23 тиэхиньикэнэн көмөлөспүтэ.
“Бу кэмҥэ УИФуо үлэлиир хампаанньалар 300 БПЛА-ны, 20070 FPV дрону, 284 хаарынан-бадараанынан сылдьар тэрили, 73 баггины, 748 тепловизионнай прицелы, 1908 бронежилеты, 24000 хааны тохтотор турникеты биэрбиттэрэ”, — диэн болҕомтону туһаайда Юрий Трутнев.
ДНР-га эбии көмөнү салгыы дьүүллэстилэр. “Биһиги Донбасска салгыы көмөлөһүөхпүт, эйэлээх олоҕу чөлүгэр түһэриэхпит. Эрэгийиэннэр баһылыктара эппиэтинэстэрин өйдүөхтэрэ диэн эрэнэбин. Биһиги ДНР-га кэллиэгэлэрбитигэр салааларга анаалыс оҥоруохпут. ДНР экэниэмикэтин чөлүгэр түһэрэргэ кыһаныахпыт. Уопсай сорукпут – тэрилтэлэри чөлүгэр түһэрии, сайдыыга суоллары тобулуу, Донецкай Норуодунай Өрөспүүбүлүкэҕэ үлэһит эрэгийиэн аатын төнүннэрэргэ үлэлэһии”, — диэн түмүктээтэ Юрий Трутнев.
Суотту нэһилиэгэр ураты күн буолан ааста. Улуу Кыайыы 80 сылынан, Уус Алдан улууһун Бочуоттаах олохтооҕо,…
Аҕа дойду Улуу сэриитигэр өрөгөйдөөх Кыайыы 80 сылын көрсүү чэрчитинэн, бу күннэргэ “Айар” национальнай кыһаҕа…
Маннык билгэни билэҕит дуо? Холобур, үгүрүө көтө-көтө үөһээттэн таҥнары түһээри куттуура элбээбит. Эбэтэр тыыраахылар халлаан…
Улуу Кыайыы 80 сылынан "Память поколений" эстэпиэтэ саҕаланна. Өрөспүүбүлүкэҕэ сонун хайысха сыл устата ыытыллар. Эрэгийиэннээҕи…
Тэрилтэлэр, уопсастыбаннай организациялар уонна Саха сирин олохтоохторо байыаннай дьайыыга мобилизацияланан уонна бэйэлэрин баҕа өттүлэринэн барбыттарга …
Хомусчут-импровизатор, ырыаһыт, норуоттар икки ардыларынааҕы уонна Арассыыйатааҕы күрэстэр кыайыылаахтара Василена Шарина-Улан Сергей Зверев-Кыыл Уола аатынан…