Уһук Илин федеральнай уокурукка РФ бэрэсидьиэнин боломуочуйалааҕа-вице-премьер Юрий Трутнев Илиҥҥи экономическай форум түмүгүнэн суруналыыстары кытары көрсүһүүтүгэр тэрээһиҥҥэ барыта 3,255 трлн солкуобай суумалаах дуогабардар түһэрсиллибиттэрин бэлиэтээтэ. Кини этэринэн, форумҥа 90 хайысханан үлэ барбыт.
Юрий Петрович Арассыыйаҕа да, тас дойдуларга да Уһук Илин эрэгийиэннэрин суолтата сылтан сыл үрдээн иһэрин бэлиэтиир.
— Уһук Илин суолтата, туох да халбаҥа суох, үрдээн иһэр. Экспортпыт илин диэки хайыһан саҥа саҕахтар арыллаллар. Бу саҥа саҕалааһыннар салгыы тырааныспар, суол-иис боппуруостарын сайыннарыахтара. Ол иһигэр муора суолунан айаны эмиэ, — диэн иһитиннэрэр кини.
Куораттар маастар-былааннарын туһунан этэригэр Юрий Петрович бу хайысханан өссө салгыы үлэ барыаҕын, маастар-былааннары түмүктээн үбүлээһини бырабыыталыстыбаттан чуолкайдатыахха наадатын бэлиэтээтэ. Уһук Илин эрэгийиэннэрин уопсай сайдыыларыгар сыһыаран: «Биһиги эрэгийиэннэрбит түргэнник сайдыахтарын баҕарар буоллахпытына манна киирбит чэпчэтиилэри өссө саҥардан иһиэхтээхпит», — диэн этэр. Оттон урутаан сайдар сирдэр тустарынан: «Инвестордар куттаммакка үлэлиир усулуобуйалара баар буолуохтаах. Манна Арассыыйа сокуоннарын таһынан бырабыыталыстыбалар икки ардыларынааҕы сөбүлэҥнэр үлэлииллэр», — диэн бэлиэтиир.
Аграфена КУЗЬМИНА
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…
2026 сыл хайдах буолуоҕун билгэһит, көрбүөччү Татьяна Захарова-Татыйык кэпсиир: — Моҕой сыла бүтэн эрэр, аны кыһыл…