РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин УИФУо боломуочуйалаах бэрэстэбиитэлэ ЮБрий Трутнев сорудаҕынан байыаннай дьайыы инники зонатыгар сылдьар хамандыырдарга уонна байыаннай сулууспалаахтарга, ол иһигэр Уһук Илинтэн сылдьааччыларга сэби-сэбиргэли, тырааныспар сириэстибэтин тиэртилэр.
“Аныгы усулуобуйаҕа байыаннай дьайыы – бу туох-ханнык иннинэ аныгы тиэхиньикэни уонна технологияны туһаныы. Уһук Илин тэрилтэлэрэ байыаннай дьайыыга көмөлөһүүгэ көхтөөхтүк кытталлар. Биһиги саҥа “Патриотическая” ТОР тэрийдибит. Бу көмөтүнэн саҥаны оҥорон таһаараллар. Ол курдук, пилота суох көтөр аппарааттары, вездеходтары, туһаайар комплекстары, ууну ыраастыыр тэриллэри уонна мэдиссиинэ препараттарын – бу биһиги байыастарбытыгар судаарыстыба интэриэһин туруулаһалларыгар көмөлөһөр”, — диэтэ Юрий Трутнев.
Сэби-сэбиргэли уонна таҥаһы-сабы Илиҥҥи байыаннай уокурук подразделениеларыгар Донбасска сылдьар хомуурга ыҥырыллыбыттар, баҕа өттүлэринэн барбыт байыаннай сулууспалаахтар ыллылар.
Байыастар ыллылар: бөдөҥ калибрдаах снайперскай комплекстары, араадьыйа разведкатын сириэстибэлэрин, кэтээн көрүү тепловизионнай тиһигин, түүн көрөр прибордары уо.д.а. “Сахафильтр” ХЭТ диэн Саха сирин хампаанньатын байыаннай чаастарга ууну ыраастыыр мобильнай блок-прицеп уонна байыаннайдарга уонна гражданскай усулуобуйаҕа анаммыт “Байкал” ууну ыраастыыр көһөрүллэ сылдьар систиэмэ. Бу ууну ыраастыыр систиэмэ ыраас уунан сууккаҕа 100 киһини ыраас уунан хааччыйар. Инники кирбиигэ хааны тохтотор Биробиджаҥҥа оҥоһуллубут турникеттары ыыттылар. Тырааныспары эмиэ тиэртилэр. Байыаннайдарга УАЗ массыынаны уонна “Ерофей” туохтан да иҥнибэт вездеходу илдьэн биэрдилэр. Бу тэрили Хабаровскайдааҕы “Сониктранс” тэрилтэ оҥорор. Тустаах тиэхиньикэ инники кирбиигэ бэйэтин үчүгэйдик көрдөрдө.
Ону тэҥэ Юрий Трутнев Донецкайга сырыытын кэмигэр “Каскад” ДНР суһал-бойобуой тактическай тэриллиитин уонна “”Союз” бойобуой искусстволар Арассыыйатааҕы сойуустарын баҕа өттүнэн тэриллибит этэрээттэрин кытта көрүстэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…