Хаартыска: sakha.gov.ru
РФ Бырабыыталыстыбатын бэрэссэдээтэлин солбуйааччы — РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев «Уһук Илин сулуһа» бириэмийэни РФ Арктическай зонатыгар тарҕатар туһунан этиини өйөөтө.
«Уһук Илин сулуһа» уопсастыбаннай-дьыалабыай бириэмийэ РФ Бэрэсидьиэнин Уһук Илин федеральнай уокуругар боломуочуйалаах бэрэстэбиитэлин аппараатын, РФ Уһук Илини уонна Арктиканы сайыннарыы министиэристибэтин, ону сэргэ Уһук Илини уонна Арктиканы сайыннарыы Корпорациятын өйөбүллэринэн 2017 сылтан ыытыллар. Бириэмийэ олохтонуоҕуттан бу сыллар усталарыгар, Уһук Илини сайыннарыыга бэйэлэрин дьоһун кылааттарын киллэрбит сүүстэн тахса урбаанньыт, тэрилтэлэр, уопсастыбаннай диэйэтэллэр, суруналыыстар лауреат үрдүк аатын сүктүлэр.
Санатар буоллахха, быйыл олунньуга Юрий Трутнев «Уһук Илин сулуһа» бириэмийэни кыайыылаахтарга туттарбыта. «Всё для Победы» номинация кыайыылаахтарынан «Патриотическая» (ТОР) резиденнэрэ буолбуттара: «ЯКТ-Сокол», «Якт-Сокол Пикап 1.5» квадроцикллары оҥорор, маны сэргэ, электроматасыыкыллары оҥорор «Тимир Ат», «Зеленая энергия» уонна «Якутский котловой завод».
«Арктика — территория диалога» норуоттар икки ардыларынааҕы арктическай пуорум кулун тутар 26-27 күннэригэр Мурманскай уобаласка аан бастаан ыытылынна. Пуорум Арктика сирин-уотун сайыннарыы социальнай-экэнэмиичэскэй боппуруостарын дьүүллэһиигэ, Арктика эрэгийиэнин кыамталаах ресурснай кыаҕын көдьүүстээхтик туһаныыга уонна араас механизмнары оҥорон, толкуйдаан таһаарыыга сүрүн былаһаакканан буолла.
Бу туһунан сиһилии https://www.sakha.gov.ru/news/front/view/id/3488836 манна киирэн ааҕыҥ.
СӨ Ил Дарханын уонна Бырабыыталыстыбатын пресс-сулууспата
СӨ Бырабыыталыстыбатын бастакы отчуоттуур бөлөҕө бэҕэһээ Үөһээ Бүлүү улууһун Кэнтик нэһилиэгэр үлэлээтэ. Үөрүүлээх быһыыга-майгыга Кэнтик…
Биир эдэр дьахтар атыы-эргиэн киинигэр кэлин аанынан киирэн, үлэһит тус малын-салын уоран тутулунна. Бу туһунан …
Бүгүн, олунньу 12 күнүгэр, өрөспүүбүлүкэ баһыйар үгүс өттүгэр хаар түһүөҕэ. Булуҥ, Анаабыр оройуоннарыгар сорох сиринэн …
"Айар" национальнай кинигэ кыһата сыл литературнай түмүктэрин ("Сыл бастыҥнара") билиһиннэрэр, эҕэрдэлиир долгутуулаах уонна үөрүүлээх тэрээһинэ…
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…