Юрий Трутнев Уһук Илин уокуруга сайдыытыгар туһуламмыт мунньаҕы ыытта  

РФ Бырабыыталыстыбатын Бэрэссэдээтэлин солбуйааччы – Уһук Илиҥҥи федеральнай уокурукка РФ Бэрэсидьиэнин боломуочуйалаах бэрэстэбиитэлэ Юрий Трутнев Уһук Илиҥҥи социальнай-экэнэмиичэскэй сайдыыга бырабыыталыстыба хамыыһыйатын президиумун мунньаҕын салайан ыытта.

Тэрээһин бэбиэскэтигэр  Уһук Илин эрэгийиэннэригэр, ол иһигэр Саха сиригэр,  экэниэмикэҕэ социальнай сайдыы кииннэрин былааннарын чэрчитинэн ыытыллар дьаһаллары олоххо киллэрии боппуруостара киирдилэр. Бу дьаһаллары толорууга бэрэсидьиэн аныыр Уһук Илиҥҥи биир кэлим субсидиятын эбии үллэстэн тыырыы боппуруостара дьүүллэһиигэ турда.

“Уһук Илиҥҥи концессия” мэхэньииһим чэрчитинэн үс Уһук Илиҥҥи эрэгийиэн – Хабаровскай кыраай, ЕАО уонна Забайкалье этиилэрин ылыннылар. Маны таһынан, РФ Уһук Илин уонна Арктика сайдыытыгар миниистирин солбуйааччы Анатолий Бобраков Уһук Илиҥҥи концессия мэхэньииһимин туһанан атын бырайыактары олоххо киллэрии туһунан билиһиннэрдэ. ​​РФ Бэрэсидьиэнэ көҕүлээһининэн ыытыллыбыт “Туризм уонна ыалдьытымсах индустрия” национальнай бырайыак чэрчитинэн, бырабыыталыстыба бэрэссэдээтэлэ Михаил Мишустин биэрбит сорудаҕын чэрчитинэн боппуруос эмиэ көрүлүннэ.

Сиһилии бу мунньах туһунан https://www.sakha.gov.ru/news/front/view/id/3412092 сигэнэн ааҕыҥ.