Хаартыска: СӨ Бырабыыталыстыбатын пресс-сулууспата.
«Россия 24» ханаалга биэрбит интервьютугар РФ Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев соторутааҕыта Уһук Илин икки саҥардыллыбыт аэропордугар – Магадаҥҥа уонна Камчаткаҕа сырыытын туһунан кэпсээтэ.
Боломуочунай бэрэстэбиитэл аэропортар тутуу эрэ буолбакка, эрэгийиэннэр сайдыыларыгар улахан суолталаах хардыы буолалларын тоһоҕолоото.
— Дьон тырааныспарынан өрүү туһанар. Онон тырааныспар инфраструктурата сайдыыта улахан суолталаах. Магадааҥҥа саҥа аэропорду туппуттарын көрдүм. Камчаткаҕа эмиэ улахан аэропорт комплексын туппуттар. Онон Уһук Илин өссө икки эрэгийиэнигэр аныгы ирдэбилгэ эппиэттиир ураты көстүүлээх аэропортар бааллар, — диэн бэлиэтээтэ Юрий Трутнев.
Санатан эттэххэ, Былатыан Ойуунускай аатынан Дьокуускайдааҕы норуоттар икки ардыларынааҕы аэропорка көтөр-түһэр балаһаны саҥардыы 2023 сыллаахха түмүктэммитэ. Улахан үлэ кэнниттэн 3600 миэтэрэ уһуннаах балаһаҕа араас кыахтаах сөмөлүөттэр күнүстэри-түүннэри уонна сыл ханнык баҕарар кэмигэр көтөн кэлэр буоллулар. Быйыл Саха сиригэр Полярнай уонна Өлүөхүмэ аэропортарын саҥардыы түмүктэниэҕэ, Мииринэйгэ саҥа аэропорт үлэлиэҕэ.
2030 сылга диэри өрөспүүбүлүкэҕэ өссө түөрт аэропордун — Зырянкаҕа, Маҕаҥҥа, Ньурбаҕа, ону тэҥэ Полярнай аэропордун иккис уочаратын саҥардыы былааннанар. 2019-2024 сылларга “Эрэгийиэннэр аэропортарын сайыннарыы» федеральнай бырайыак уонна «Магистральнай инфраструктураны саҥардыы уонна кэҥэтии» (КПМИ) нацбырайыак аэропортары сайыннарыы” федеральнай бырайыак чэрчитинэн Саха сиригэр 11 аэропорт — Дьокуускайга, Черскэйгэ, Эдьигээҥҥэ, Хаандыгаҕа, Белай Гораҕа, Үөһээ Бүлүүгэ, Бүлүүгэ, Депутатскайга, Сангаарга, Нерюнгрига уонна Уус-Ньаараҕа саҥардыллыбыттара.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…