Хаартыска: sakha.gov.ru
Владивосток куоракка РФ бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев үбүлүөйдээх Х Илиҥҥи экэнэмиичэскэй пуорумҥа бэлэмнэнии мунньаҕын ыытта.
Пуорум балаҕан ыйын 3-6 күннэригэр Уһук Илиҥҥи федеральнай университекка ыытыллыаҕа. ВЭФ тэрийээччитэ – Росконгресс Пуондата.
“ВЭФ-кэ ханнык тиэмэ сүрүн буолуохтааҕын дьүүллэстибит. Сүрүн тиэмэнэн “Уһук Илин – Кыайыыттан Кыайыыга” диэн буоларын быһаарарга этии киллэриэхпит, өссө толкуйдуохпут. Аан дойду иккис сэриитэ Уһук Илиҥҥэ түмүктэммитэ. РФ Бэрэсидьиэнин сорудаҕынан куриллааҕы десантнай эпэрээссийэ буолбут Шумшу арыытыгар улахан быыстапканы бэлэмнии сылдьабыт. Бу быыстапка ыччаты иитиигэ эмиэ көмөлөһүөҕэ», — диэн бэлиэтээтэ Юрий Трутнев.
РФ Уһук Илини уонна Арктиканы сайыннарыыга министиэристибэтэ дьыалабыай бырагыраамаҕа макроэрэгийэн сайдыытын уонна кыалыннаҕына Азия-Тиихэй акыйаан эрэгийиэнин экэниэмикэтин кытта интеграциялаһыы тиэмэлэрин киллэрэргэ эттэ.
“Манна ордук технологическай сайдыыны чорботон бэлиэтиибит. Бүгүн аан дойдуну, олох төрүт оҥкулларын технологиялар уларыталлар. Олор үөскүүр уонна кэммиэрчэскэй тарҕанар сирдэринэн азиатскай дойдулар буолаллар. Биһиги Уһук Илин ити бырассыастарга суолталаах оруолу ылыан баҕарабыт. Саҥа инструменнарбытын — урутаан сайдан иһэр аан дойду суолталаах сирдэрбитин туһанан, Арассыыйаҕа бу технологиялар сайдалларын уонна тарҕаналларын туруорсуохха”, — диэн тоһоҕолоон бэлиэтээтэ миниистир Алексей Чекунков.
Росконгресс Пуонда дириэктэрин бастакы солбуйааччы, ВЭФ дириэктэрэ Игорь Павлов тэрээһин боппуруостарын уонна ВЭФкэ бэлэмнэнии хаамыытын туһунан кэпсээтэ.
“Пуорум чэрчитинэн спортивнай бырагыраамалар, күрэхтэһиилэр, атын да сабыытыйалар былааннаннылар”, — диэтэ кини.
Приморскай кыраай губернатора Олег Кожемяко этэринэн, эрэгийиэн ааспыт сылтан бэлэмнэнэр. Бүддьүөттэн павильон тутуутугар, спортивнай-култуурунай бырагыраамаларга, мэдисиинискэй хааччыйыыга, суоллары чинчийиигэ үп көрүллүбүт. Бэрээдэги көрөр силовой структуралар ыстааптара тэриллэн эрэр. Пуорум кыттыылаахтарыгар 25 гостиница, Артемҥа 1600 нүөмэр бэриллибит.
Владивосток баһылыга Константин Шестаков куоракка ыытылла турар үлэлэр, ДВФУ ректора Борис Коробец кампуска бэлэмнэнии туһунан кэпсээтилэр. Волонтердары тала сылдьаллар. Быйыл төрдүс сылын ДВФУ “Знание” уопсастыбаны кытта ыччакка, устудьуоннарга анаан лекторий ыыталлар. Лекторий быйылгы тиэмэтинэн Икки аан дойду сэриитин бүтүүтэ, фашизмы утары охсуһууга сэбиэскэй норуот кылаата уонна сэбиэскэй- дьоппуон сэриитин сабыытыйаларын туһунан буолуоҕа. Кампус пааркатыгар Дьоруойдар Аллеялара аһыллыаҕа.
Пуорумҥа Уһук Илин атын эрэгийиэннэрэ эмиэ бэлэмнэнэнэллэр. Быйыл 11 эрэгийиэннээҕи уонна биэс салааларынан павильон үлэлиэҕэ, диэн иһитиннэрэр СӨ Ил Дарханын уонна бырабыыталыстыбатын пресс-сулууспата.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…