Юрий Трутнев VIII Илиҥҥи экономическай пуорум туһунан кэпсээтэ

РФ Бырабыыталыстыбатын бэрэссэдээтэлин солбуйааччы – Уһук Илин Федеральнай уокурукка РФ бэрэсидьиэнин боломуочуйалаах бэрэстэбиитэлэ  Юрий Трутнев сотору буолуохтаах Илиҥҥи экономическай пуорумҥа 50 дойдуттан 7000 кэриҥэ киһи кыттыыны ыларга сайаапка түһэрбитин туһунан иһитиннэрдэ.

Ордук элбэх кыттааччылар Кытай, Мьянма, Индия, Монголия уонна Лаос сириттэн кэлэллэрэ күүтүллэр.

Юрий Трутнев этэринэн, быйыл ахсыс төгүл ыытыллар пуорум дойду олоҕор суолталааҕын тоһоҕолоон эттэ:

— Бу Пуорум чэрчитинэн “Уһук Илиҥҥи гектар”, “Уһук Илиҥҥи ипотека” бырагыраамалара ылыллыбыттара, уот тарыыбын тэҥнээһин үлэтэ ыытыллар ымпыга-чымпыга чопчуламмыта, эрэгийиэн улахан тутууларын ыытарга быһаарыылар ылыллыбыттара. Бу пуорум үлэтин түмүгүнэн 2800 инвестиция бырайыактара олоххо киирбиттэрэ, ол түмүгэр судаарыстыба өйөбүлүн чэрчитинэн Уһук Илиҥҥи субъектарга 3,4 трлн солк. тардыллыбыта. 120 тыһыынча саҥа үлэ миэстэтэ үөскээбитэ.

Быйылга Илиҥҥи экономическай пуорумҥа 120 дьыалабай көрсүһүүлэр былааннаммытар. Кыттааччылар икки ардыларыгар судаарыстыбалар сыһыаннарын тупсарыы, аан дойдутааҕы саҥа валюта-үп систиэмэтин олохтооһун, наука эйгэтигэр бииргэ үлэлээһин уо.д.а. кыһалҕалар ырытыллыахтара.