sakha.gov.ru
РФ Бырабыыталыстыбатын Бэрэссэдээтэлин солбуйааччы – Арассыыйа Федерациятын Бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ Юрий Трутнев «ВОИН» киин тэриллибитэ үс сыла буолбутунан эҕэрдэлээтэ.
Ытыктабыллаах кэллиэгэлэр, курсааннар, инструктордар!
«ВОИН» ыччаты байыаннай-спортивнай бэлэмнээһин уонна патриотическай иитии киинэ тэриллибитэ 3 сылынан эҕэрдэлиибин!
РФ Бэрэсидьиэнин сорудаҕынан үс сыллааҕыта тэриллибит «ВОИН» патриотизмҥа иитэр, үүнэр көлүөнэни Ийэ дойдуну көмүскүүргэ үөрэтэр-такайар, дойду туһугар үлэлииргэ бэлэм уолаттар, кыргыттар үүнэн-сайдан тахсар сирдэринэн буолла.
Бу кылгас кэм иһигэр элбэх оҥоһулунна. Арассыыйа 21 эрэгийиэнигэр филиаллар баар буоллулар. 35 үөрэтэр бырагыраама оҥоһулунна. 400 киһилээх инструктордар састааптара тэрилиннэ. Кинилэртэн үксүлэрэ — уруккута байыаннай сулууспалаахтар, кинилэр ортолоругар байыаннай дьайыы кыттыылаахтара бааллар. Сүүс тыһыынчаттан тахса эдэр курсааннар бырагырааманы баһылаатылар, билии-көрүү ыллылар, үөрүйэхтэннилэр, онон бэйэлэрин, чугас дьоннорун, Аҕа дойдуларын туһугар туруулаһар кыахтаннылар. Биһиги уруоктарбыт ыччаттарга Аҕа дойду иннигэр ытык иэс суолтатын өйдүүргэ, дойдуларын устуоруйатын үчүгэйдик билэргэ уонна ытыктыырга, киэн туттарга үөрэтэллэр.
«ВОИН» киин үлэһиттэригэр тулуурдаах үлэлэрин уонна бэйэлэрин дьыалаларыгар бэриниилээхтэрин иһин махтанабын. Эһиги көмөҕүтүнэн тыһыынчанан дьиэ кэргэн оҕолорун инникитигэр эрэллээхтэр, онтон дойдубут Арассыыйаҕа сулууспалыырга бэлэмнээх, үтүө гражданнары ыларга эрэллээх.
Эһиэхэ саҥа кыайыылар, ситиһиилэр кэлэ туралларыгар баҕарабын.
Бырааһынньыгынан!
РФ Бырабыыталыстыбатын Бэрэссэдээтэлин солбуйааччы – Арассыыйа Федерациятын Бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ, «ВОИН» киин Кэтээн көрөр сүбэтин бэрэссэдээтэлэ Юрий Трутнев
Сиһилии: https://www.sakha.gov.ru/news/16287
Бырагыраама кыттыылаахтара гектар сири ыларга ордук наадыйар эрэгийиэннэринэн Саха Өрөспүүбүлүкэтэ, Приморье кыраайа уонна Сахалин уобалаһа…
Бүгүн киин куоракка 13:40 чааска С. Данилов уулуссатын 14 нүөмэрин аттыгар улахан хомунаалынай саахал таҕыста…
Дьокуускай куорат суута ньиэби хостооһунунан дьарыктанар хааччахтаммыт эппиэтинэстээх уопсастыбаҕа сыһыаннаах, РФ административнай быраабы кэһии туһунан…
Бүк сабыллар саахымат дуоската хаһан айыллыбытый? Билигин оонньуурга туттуллар чаһы хаһан баар буолбутуй? Саахымат үөскээбит…
Ааспыт өрөбүллэргэ Дьокуускай сиригэр-уотугар суол-тырааныспар 12 быһылаана бэлиэтэммит. Икки киһи эчэйбит. Сэтинньи 29 күнүгэр сарсыарда…
Ахсынньы номнуо үүннэ, ону кытта Саха сирин суон сураҕырбыт тымныылара сатыылаан эрэллэр. Дьокуускай куорат үөрэҕин…