Бүгүн бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев Дьокуускайга кэлэн, “Үлэ кыбартаалыгар” сырытта. Кини саха оҥорон таһаарааччыларын ураты бырайыактарын сэргээтэ уонна үрдүктүк сыаналаата диэн СИА суруйар.
Ол курдук, «Сахафильмы» сайыннарар кэнсиэпсийэттэн саҕалаан, ExtraCinema кинопроекторы, EIKIRIE, SGREY уонна «Tulluk таҥаһы тигээччилэри, «Арктик-Телеком» хампаанньа «Арктик Медиа» бырайыагын, «Кындыкаан» мультимедийнэй бырайыагы, «Tundra анимационнай устуудьуйаны уонна аныгы XR-устуудьуйаны билиһиннэрдилэр.
Юрий Трутнев байыаннай тиэхиньикэни уонна байыаннайдары сабар, харыстыыр таҥаһы оҥорор «Хоту тент» хампаанньа оҥоһуктарын интэриэһиргээтэ.
— “Иваново” диэн научнай-чинчийэр киини кытары бииргэ үлэлэһэбит. Кинилэр матырыйаалга патеннарын биэрбиттэрэ. Ол чэрчитинэн, сабар-бүрүйэр таҥастары, снайпер көстүүмнэрин, балааккалары, утуйар мөһөөччүктэри, тиэхиньикэ сабыыларын, о.д.а. оҥорон таһаарабыт. Биһиги оҥоһуктарбыт тепловизорга көстүбэттэр, онон байыаннай дьайыыга олус туһалаахтар, наадалаахтар, — диэн хампаанньа байыаннай хайысхатын салайааччы Дуолан Андреев кэпсээтэ.
Юрий Трутнев бырайыактары үрдүктүк сыаналаата уонна ситиһиилэри баҕарда. “Үлэ кыбартаала” креативнай кластер Уһук Илиҥҥэ аан бастакынан сэтинньи 23 күнүгэр тэриллибитэ. 2025 сылга IT, киинэ, анимация, муода, дизайн, муусука, компьютернай графика, уруһуйдуур ускуустуба, хаартыскаҕа түһэрии уонна видеопродакшн хайысхатынан үлэлиир 150 урбаанньыт резидент буолуохтаах, 1250 саҥа үлэ миэстэтэ тахсыахтаах.
Хаартыска: Андрей Сорокин.
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…