РФ Бырабыыталыстыбатын бэрэссэдээтэлин солбуйааччы – Уһук Илин Федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев «Арассыыйа» норуоттар икки ардыларынааҕы быыстапка-пуорум иитинэн «Знание.Первые» марафоҥҥа кытынна.
«Хас биирдии территория сайдыытын сүрүн күүһүнэн киһи буолар. Ыччат туһунан этэр буоллахха, кинилэр дойду саамай көхтөөх дьонунан буолаллар. Кинилэр биһиги инникибит. Уһук Илиҥҥэ ыччат элбээбитэ олус үчүгэй. 20–24 саастаах ыччаттар Уһук Илиҥҥэ олоро кэлэр буоллулар. Бу Уһук Илин инникилээҕин этэр», – диэн Юрий Трутнев марафон кэмигэр бэлиэтээн эттэ.
Дойду Аҕа баһылыга Владимир Путин этиитинэн, Уһук Илин XXI үйэ сүрүн национальнай тумус туттар сиринэн буолбута. Уон сыл иһигэр эрэгийиэн сайдыытыгар 75 федеральнай сокуон, РФ Бырабыыталыстыбатын 450 аактата ылылынна.
«Бу сокуоннар көмөлөрүнэн урутаан сайдар сирдэр (ТОР), «Уһук Илиҥҥи гектар», Уһук Илиҥҥи ипотека уонна да атын бырагыраамалар баар буоллулар. Соторутааҕыта хоту таһаҕаһы тиэйии сокуона ылылынна», – диэн вице-премьер эттэ.
«Знание.Первые» марафон павильонугар тыһыынчанан эдэр ыччат мустан, судаарыстыбаннай, бэлитиичэскэй диэйэтэллэри, үөрэх, наука, култуура, биисинэс бэрэстэбиитэллэрин кытары көрүстүлэр.
Ааспыт сууккаҕа Саха сиригэр 4 буруйу оҥоруу буолбутун туһунан СӨ Борокуратуурата иһитиннэрэр. Чульман бөһүөлэгин олохтооҕо…
Дьокуускайга, олунньу 4 күнүнээҕи дааннайдарынан, ОРВИ ыарыыттан 29 кылаас харантыыҥҥа барда. Бу туһунан Үөрэх управлениетын…
Бэҕэһээ, олунньу 4 күнүгэр, Дьокуускайга "Чолбон" бассейнҥа 64 саастаах дьахтар суорума суолланна. "Суһал көмө" биригээдэтэ…
Көҥүл тустууга Саха сирин сүүмэрдэммит хамаандата 16 саастарыгар диэри уолаттарга Арассыыйаҕа бастыыр иһин күрэхтэһиигэ кыттыаҕа.…
Олунньу 6 күнүгэр 15:00 чаастан Дьокуускайга "Чолбон" бассейнҥа түөрт төгүллээх олимпийскай чөмпүйүөн, аан дойду алта…
Бүгүн, олунньу 5 күнүгэр, Саха сирин сорох улуустарыгар -45 кыраадыс буолара күүтүллэр диэн УГМС иһитиннэрэр.…